مدونة سودانية ٢٣ مدونة سودانية ٢٣
recent

آخر الأخبار

recent
جاري التحميل ...

كيف تضع الكورونا فيروس Corona Virus في فتيل؟

كيف تضع الكورونا فيروس Corona Virus في فتيل؟
#أولاً ماتهبش لا عيونك لا أنفك لا فمك قبل ما تتأكد من إنك مغسل يدينك كويس.
#ثانيا ماتسلم علي أي زول في يدو مهما كان هو منو أو معزتك عندو شنو.
#ثالثاً أطلع وباشر حياتك عادي لكن دائما لازم تخلي أقل شئ مسافة متر فما فوق بينك وبين الحواليك ، #لي؟ عشان لو لاقدر الله الزول الجنبك دا عندو كورونا وعطس رزاز عطستو دا مايصلك ومايعديك.
#رابعا ودي طبعا حاجات متعلقه #بالسودان موضوع إنك تشرب من زير وخمس لي معاك في البارد دا وأي حاجه بتتاكل بصورة فرديه والحاجات المن النوع دا أختاك منها #إنت_فهمتني ههههه
#خامساً ودي أكبر مشكله في السودان طبعا لانها بتلقي النقطه رقم ٣ وهي موضوع المواصلات العامة دي الحتغطس حجر الناس لاقدر الله لانو كلنا عارفين المسافه بين الفرد والتاني حتكوون زيرو كبير كمان يلا النقطه دي عشان تتحلا مافي أي خيار غير الكمامات عشان لو  ركبت جنب زول ولاقدر الله طلع عندو كورونا وعطس تكون مؤمن نفسك بالكمامه.
#سادساً مناعتك لازم تكون قوية عشان لو لاقدر الله جاتك الكورونا تقدر تقاومها #وكيف_المناعة_تكون_قوية؟ بالفايتمينات يعني كل أنواع الفايتمينات لازم جسمك يكون مكتفي منها سوا كانت من الفواكه او الخضروات أو الأدويه وطبعا يفضل الطبيعية والبروتينات طبعاً أكيد برضو مهمه للجسم.
#سابعاً لو بتقدر وداير تريح نفسك من الجوطه دي كلها أعمل حجر صحي لي نفسك بس وماتحتكه بالناس ، وأبعد من التجمعات.
#ثامناً ودي نقطة مكرره بس مهمه شديد وشك دا ماتهبشو (العيون ، الفم ، الأنف) إلا اذا غسلت يدك وكنت متاكد تماماً إنك ماكلفته الغسيل ، عايز تهبش ومتضطر وماجنبك موية وصابون إستخدم منديل والمنديل دا بعد تخلص منو تجدعوا طوالي.
#طيب_لي_ما_أهبش_وشي؟
لانك أثناء يومك الطبيعي بتكون لمست مليون حاجه بي يدك وإحتمال يكون الحاجات اللمستها دي عطس فيها قبلك زول مصاب بالكورونا والرزار بتاعوا كان عالق في الحاجه الانت لمستها دي ، يلا لما تجي تهبش فمك أو أنفك أو عيونك بي يدك الملوثه دي المرض حينتقل ليك لاقدر الله دي كل الحكايه.
#وفي_الختام
ربنا يحفظ أهلي ومعارفي وأصدقائي وجيراني وكل السودانيين في كل أنحاء العالم ويحفظ جميع المسلمين وكل مخلوق في هذه الأرض اميييين
لاتنسونا من صالح الدعوات أخوكم رياض حمزة

عن الكاتب

Sudania 23

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

مرحباً بك أنت الزائر رقم

جميع الحقوق محفوظة

مدونة سودانية ٢٣