رواية الهدير - الحلقة 5
ﺟﻌﻔﺮ ﻟﻘﻰ ﺍﺧﻮﺍﺕ ﺭﻗﻴﺔ ﺍﻻﺗﻨﻴﻦ ﻗﺎﻋﺪﻳﻦ ﻣﻌﺎﻫﺎ ..
ﻣﻌﺎﻫﺎ , ﻗﺎﻝ ﻟﻴﻬﻢ ﺍﻧﺘﻮ ﻗﺎﻋﺪﻳﻦ ﻫﻨﺎ ﻟﺸﻨﻮ ﺍﻥ ﺷﺎ ﺍﻟﻠﻪ . ؟
ﺍﻟﻜﺒﻴﺮﺓ ﻗﺎﻟﺖ ﻟﻴﻬﻮ ﺍﻧﺎ ﺑﺠﻴﻜﻢ ﺑﺎﻟﻠﻴﻞ ﺑﻌﺪ ﺍﻟﻤﻐﺮﺏ .
ﻭﺳﻮﺳﻦ ﺍﺧﺘﻲ ﺑﺘﺠﻴﻜﻢ ﺑﺎﻟﻨﻬﺎﺭ .؟
ﻗﺎﻝ ﻟﻴﻬﻢ ﻧﺤﻦ ﻣﺎﻣﺤﺘﺎﺟﻴﻦ ﻟﻴﻜﻢ . ﻭﺍﻧﺎ ﺍﺳﺎﺳﺎ ﻣﺎﻧﺎﻗﺺ ﻭﺟﻊ ﺭﺍﺱ ﻛﻔﺎﻳﺔ
ﻭﺟﻊ ﺍﻟﺮﺍﺱ ..ﺍﻟﻜﺎﻧﺖ ﻋﺎﻣﻼﻫﻮ ﺭﻗﻴﺔ ﺍﺧﺘﻚ ﻗﺒﻞ ﻣﺎﺗﺮﻗﺪ ﺟﻨﺎﺯﺓ ﻛﺪﺍ ..
ﻭﺭﻗﻴﻪ ﺗﺴﻤﻊ ﻭﺗﻌﺎﻳﻦ ﺑﻌﻴﻮﻧﻬﺎ ﻭﻃﺒﻌﺎ ﻣﺎﻗﺎﺩﺭﺓ ﺗﺮﺩ
.. ﺑﺲ ﺩﻣﻮﻋﻬﺎ ﺑﻜﺒﻮ ..
ﺍﻟﻤﻬﻢ ﺍﻻﺧﺖ ﺍﻟﻜﺒﻴﺮﺓ ﺍﺳﻤﻬﺎ ﺗﻘﻮﻯ .
ﻗﺎﻟﺖ ﻟﻴﻬﻮ ﺍﻫﺎ ﺍﻟﺒﺨﺪﻣﻚ ﻣﻨﻮ ﻭﻳﺨﺪﻡ ﺍﺧﺘﻨﺎ ﻭﻭﻟﺪﻫﺎ
.. ﻗﺎﻝ ﻟﻴﻬﻢ ﺑﺠﻴﺐ ﺧﺪﺍﻣﺔ .. ﻭﻫﻮ ﻃﺒﻌﺎ ﻋﻨﺪﻩ ﺭﺍﻱ ﻓﻲ
ﺍﻟﻤﻮﺿﻮﻉ ﺩﻩ ..
ﻣﻦ ﺍﻭﻝ ﺟﺎﺏ ﺭﻗﻴﺔ ﻭﺭﻣﺎﻫﺎ ﻓﻲ ﺍﻟﺒﻴﺖ ..
ﻃﻠﻊ ﻣﺸﻰ ﻟﻲ ﻋﺰﻳﺰﺓ ﺟﺎ ﻣﻨﻬﺎ ﺍﻧﺼﺎﺹ ﺍﻟﻠﻴﺎﻟﻲ ..
ﻭﻻﺑﻜﺮﻱ ﻭﻻ ﺍﻣﻪ ﻣﺎﻟﻘﻮ ﺯﻭﻝ ﻳﻬﺘﻢ ﺑﻴﻬﻢ ..ﻟﻐﺎﻳﺔ ﺑﻜﺮﻱ ﻣﺸﻰ
ﺍﺩﻳﻦ ﻟﺒﻦ ﻭﻓﻮﻝ ﻣﻦ ﺍﻟﺪﻛﺎﻥ .. ﺟﺎ ﺍﻛﻞ ﺍﻟﻔﻮﻝ ﻭﺳﻘﻰ ﺍﻟﻠﺒﻦ ﻻﻣﻪ
..ﻭﻧﺎﻣﻮ ﻭﻫﻮ ﺟﺎ ﺩﺍﺧﻞ ﺍﻟﺒﻴﺖ ﺍﻟﺴﺎﻋﺔ 2
ﺻﺒﺎﺣﺎ ..
..ﻭﻧﺎﻡ ﻭﻃﻠﻊ ﺍﻟﺼﺒﺎﺡ ....ﻭﺑﻜﺮﻱ ﻟﺒﺲ ﻭﻃﻠﻊ ﺍﻟﻤﺪﺭﺳﺔ ..
ﻭﺧﻠﻮ ﺍﻟﻤﺮﺓ ﺍﻟﺮﺍﻗﺪﺓ ﻣﺮﻳﻀﺔ ﺑﺮﺍﻫﺎ ﻭﻻﺯﻭﻝ ﻣﺎ
ﻣﻌﺎﻫﺎ ..
ﺯﻱ ﺍﻟﺴﺎﻋﺔ ﻋﺸﺮﺓ ﺻﺒﺎﺣﺎ ﻛﺪﺍ .. ﺟﺎﺗﻬﺎ ﻋﺰﻳﺰﺓ ﻓﻲ ﺍﻟﺒﻴﺖ .. ﺳﺒﺤﺎﻥ ﺍﻟﻠﻪ
. ﺩﺧﻠﺖ ﻋﺰﻳﺰﺓ ﻋﻠﻰ ﺭﻗﻴﺔ ﻭﻗﻔﻠﺖ ﺍﻟﺒﺎﺏ ﻭﺭﺍﻫﺎ ..
ﻭﺍﻟﻤﺮﺍﺓ ﺍﻟﻤﺸﻠﻮﻟﺔ ﺗﻌﺎﻳﻦ
ﻣﺴﺘﻐﺮﺑﺔ ... ﻓﻲ ﺍﻟﺸﺨﺼﻴﺔ ﺍﻟﻐﺮﻳﺒﺔ ﺍﻟﻼﻭﻝ ﻣﺮﺓ ﺗﺸﻮﻓﺎ .. ﺩﻱ ﻣﻨﻮ
ﻳﺎﺭﺑﻲ .. ﺟﺎﺕ ﻗﻌﺪﺕ ﺟﻤﺒﻬﺎ ﻭﻗﺎﻝ
ﻟﻴﻬﺎ .. ﺍﻧﺎ ﻋﺎﺭﻓﺎﻙ ﺍﻧﺘﻲ ﻣﺸﻠﻮﻟﺔ ﻭﻭﺍﻋﻴﺔ .. ﻭﻣﺎﺑﺘﻘﺪﺭﻱ ﺗﺘﻜﻠﻤﻲ ..
ﺍﻧﺘﻲ ﻣﺎﺑﺘﻌﺮﻓﻴﻨﻲ .. ﺍﻧﺎ ﻋﺰﻳﺰﺓ .. ﺍﻧﺎ
ﻋﺰﻭ ﺣﺒﻴﺒﺔ ﺟﻌﻔﺮ ﻭﺧﻄﻴﺒﺘﻪ
..ﺷﻔﺘﻲ ﺍﻟﺮﺳﺎﻳﻞ ﺍﻟﻘﺎﻋﺪﺓ ﺗﺠﻴﻬﻮ ﺑﺎﻟﻠﻴﻞ .. ﺍﻟﺮﺳﺎﻳﻞ ﺩﻱ
ﻛﻠﻬﺎ ﻣﻨﻲ .. ﻭﻫﻮ ﺑﺤﺒﻨﻲ ﺍﻧﺎ ﻭﺍﻧﺘﻲ ﻣﺎﺳﻜﻚ
ﻋﺸﺎﻥ ﺍﻟﻮﻟﺪ
.. ﻭﻛﻞ ﻳﻮﻡ ﺑﻘﻮﻝ ﻋﺎﻳﺰ ﻳﻄﻠﻘﻚ ﺍﻧﺎ ﺑﺤﻤﻴﻬﻮ .. ﻟﻜﻦ ﺑﻌﺪ
ﺩﻩ ﻧﺤﻦ ﻣﺎ ﻣﺴﺘﻌﺪﻳﻦ ﻧﺨﺪﻡ ﻟﻴﻨﺎ ﺟﻨﺎﺯﺓ ﺑﺘﺘﻨﻔﺲ ..
ﺍﺣﺴﻦ ﻟﻴﻚ ﺗﺘﻠﻤﻲ ﻋﻠﻰ ﺍﻫﻠﻚ .. ﺍﻧﺘﻲ ﺯﻭﻟﺔ ﻣﻨﺤﻮﺳﺔ .. ﻭﻧﺤﻦ ﺯﺍﺗﻨﺎ
ﻣﺎﻋﻨﺪﻧﺎ ﺣﻆ ﻛﺎﻥ ﺍﻟﻤﻔﺮﻭﺽ ﺗﻤﻮﺗﻲ ﻓﻲ
ﺍﻟﺤﺎﺩﺙ ..
ﻛﺎﻥ ﺍﺗﻠﺤﺴﺘﻲ ﻛﻨﺎ ﺍﺭﺗﺤﻨﺎ ﻣﻨﻚ ..
ﻭﺭﻗﻴﺔ ﻃﺒﻌﺎ ﺳﺎﻛﺘﺔ ﻭﺗﻌﺎﻳﻦ ﻟﻴﻬﺎ ﻣﺒﻬﻮﺗﺔ .. ﻭﺟﻮﺍﻫﺎ ﺑﺘﻐﻠﻲ ﻏﻠﻲ ﻭﺷﻬﺎ
ﺣﻤﺮ ﻭﺧﺸﻤﻬﺎ ﺑﻘﻰ ﻳﺮﺟﻒ .. ﻭﺭﻳﻘﺎ ﻧﺸﻒ ﻣﻦ ﺍﻟﺰﻋﻞ ..ﺑﻌﺪ ﻋﺰﻳﺰﺓ ﻛﻤﻠﺖ
ﻛﻼﻣﻬﺎ ﻛﻠﻮ ﻃﻠﻌﺖ .. ﻭﺭﻗﻴﻪ
ﺑﻴﺠﺎﻱ ﺗﺒﻜﻲ ﺑﺮﺍﻫﺎ .. ﺟﺎﺕ ﻣﺮﺓ ﻣﻦ ﺍﻟﺠﻴﺮﺍﻥ ﻟﻘﺖ ﺭﻗﻴﻪ ﺑﺘﺒﻜﻲ ..
ﻭﺑﻘﺖ ﺗﺴﺄﻝ ﻓﻴﻬﺎ ..ﻓﻲ ﺣﺎﺟﺔ ﻭﺍﺟﻌﺎﻙ ﻫﺰﺕ ﺭﺍﺳﺎ ﻛﺪﺍ
( ﻳﻌﻨﻲ ﻻ ) ﻋﺎﻳﺰﺓ ﺍﻟﺤﻤﺎﻡ ؟ .. ﻻﺟﻴﻌﺎﻧﺔ؟ .. ﻻﺍﻟﻤﻬﻢ ﻣﺸﺖ ﻋﻤﻠﺖ ﻟﻴﻬﺎ
ﻋﺼﻴﺮ ﻭﺟﺎﺕ ﺳﻨﺪﺗﻬﺎ
ﻭﺳﻘﺘﻬﺎ ..ﻭﺿﺮﺑﺖ ﻻﺧﺘﻬﺎ ﺳﻮﺳﻦ .. ﻭﻗﺎﻟﺖ ﻟﻴﻬﺎ .. ﺍﺧﺘﻚ ﻣﺠﺪﻭﻋﺔ
ﻓﻲ ﺍﻟﺒﻴﺖ ﺑﺮﺍﻫﺎ ﻭﺗﺒﻜﻲ .. ﺣﺮﺍﻡ ﻋﻠﻴﻜﻢ
ﻳﺎﻋﺒﺎﺩ ﺍﻟﻠﻪ ﺩﻱ ﺍﻧﺴﺎﻧﺔ
ﻣﺮﻳﻀﺔ ..ﻣﻜﺴﻮﺭﺓ ﺍﻟﺠﻨﺎﺡ ..ﻃﻮﺍﻟﻲ ﺳﻮﺳﻦ ﻣﺸﺖ ﻻﺧﻮﻫﺎ ﻣﺨﺘﺎﺭ ﻓﻲ ﺑﻴﺘﻮ
..ﻭﻗﺎﻟﺖ ﻟﻴﻬﻮ ﻳﺎ ﺃﻣﺸﻲ ﺍﻗﻨﻊ
ﺟﻌﻔﺮ ﻳﺨﻠﻴﻨﻲ
ﺍﻗﻌﺪ ﻣﻊ ﺭﻗﻴﻪ . ﺍﻭ ﻧﻤﺸﻲ ﻧﺠﻴﺐ ﺭﻗﻴﻪ ﺍﻟﻜﻼﻡ ﺩﻩ ﻣﺎﺑﺠﻲ .. ﺭﻗﻴﻪ ﻗﺎﻋﺪﺓ
ﺑﺮﺍﻫﺎ ﻭﻻﻓﻲ ﺯﻭﻝ ﺟﺎﻳﺐ ﻟﻴﻬﺎ
ﺧﺒﺮ . ﻛﺎﻥ ﻣﺎﺗﺖ ﻣﺎﻓﻲ ﺯﻭﻝ ﺑﻌﺮﻓﺎ ﻣﺎﺗﺖ ..ﻳﻼ .. ﺳﺒﺤﺎﻥ ﺍﻟﻠﻪ ﻓﻲ
ﺍﻟﻮﻗﺖ ﺩﻩ ﺟﻌﻔﺮ ﻛﺎﻥ ﺑﺤﻀﺮ ﻓﻲ ﻧﻔﺴﻪ
ﻋﺸﺎﻥ ﻳﻌﻘﺪ ﻋﻠﻰ
ﻋﺰﻳﺰﺓ ﺑﻌﺪ ﺑﻜﺮﺓ ..
ﻋﺰﻳﺰﺓ ﻗﺎﻟﺖ ﻟﻴﻬﻮ ﻧﺤﻦ ﻋﺸﺎﻥ ﻧﻌﻴﺶ ﻣﺮﺗﺎﺣﻴﻦ .. ﻭﺩﻱ ﺭﻗﻴﻪ ﻻﻫﻠﻬﺎ
..ﻗﺎﻟﻴﻬﺎ ﺣﺎﺿﺮ .. ﺍﻃﻠﻘﻬﺎ ؟ ﻭﻟﻼ ﺍﻭﺩﻳﻬﺎ
ﺳﺎﻱ . ؟ .
ﻗﺎﻟﺖ ﻟﻴﻬﻮ ﻃﻠﻘﻬﺎ ﻭﻟﻮ ﺑﻘﺖ ﻛﻮﻳﺴﻪ ..
ﻣﻤﻜﻦ ﺗﺮﺟﻌﻬﺎ ﻟﻜﻦ ﺑﺤﺎﻟﺘﻬﺎ ﺩﻱ ﺑﺘﺒﻘﻰ ﻟﻴﻚ ﻋﻠﻪ
ﺳﺎﻱ ..
ﻗﺎﻝ ﻟﻴﻬﺎ ﻭﺍﻟﻠﻪ ﺻﺪﻗﺘﻲ ﻣﺎﻓﻲ ﺯﻭﻝ ﻣﻬﺘﻤﻲ ﺑﻲ ﻏﻴﺮﻙ ..
ﻭﻣﺸﻰ ﺟﻌﻔﺮ ﺍﻟﻰ ﺍﻟﺒﻴﺖ ﻭﻫﻮ ﻣﺼﻤﻢ ﻋﻠﻰ ﻃﻼﻕ
ﺭﻗﻴﻪ ..
ﻟﻤﺎ ﻭﺻﻞ ﺟﻌﻔﺮ ﻟﻠﺒﻴﺖ ..ﻟﻘﻰ ﻣﺨﺘﺎﺭ ﺍﻟﻠﻬﻮ ﺍﺧﻮ ﺭﻗﻴﺔ ﻭﺧﺎﻝ ﺑﻜﺮﻱ ..
ﻭﻣﻌﺎﻫﻮ ﺍﺧﺘﻮ ﺳﻮﺳﻦ ﻗﺎﻋﺪﻳﻦ .. ﻭﺍﺗﻔﺎﺟﺄ ﺑﻮﺟﻮﺩﻫﻢ ﺍﺻﻠﻮ ﺑﺨﺎﻑ ﻣﻦ ﻣﺨﺘﺎﺭ
ﻣﻮﺕ .. ﺍﻟﻤﻬﻢ ﻃﻮﺍﻟﻲ ﻣﺨﺘﺎﺭ
ﺧﺶ ﻓﻴﻬﻮ ..ﺍﺳﻤﻊ ﻳﺎﺟﻌﻔﺮ ﺍﻧﺖ ﻟﻴﻪ ﺑﺘﻤﻨﻊ ﺍﺧﻮﺍﺕ ﺭﻗﻴﺔ ﻳﻘﻌﺪﻭﺍ ﻣﻌﺎﻫﺎ .
؟ﻭﺍﻧﺖ ﺍﺻﻼ ﻣﺎﻣﻮﺟﻮﺩ ﻓﻲ ﺍﻟﺒﻴﺖ ..
ﻫﺴﻲ ﻟﻮ ﺍﺣﺘﺎﺝ ﻟﻴﻬﺎ ﻟﺤﺎﺟﺔ ﺗﻌﻤﻞ ﺷﻨﻮ ؟
ﻗﺎﻝ ﻟﻴﻬﻮ ﻣﺎﻓﻲ ﻣﺸﻜﻠﺔ ﺍﻧﺎ ﺍﺳﺎﺳﺎ ﺍﻟﻠﻴﻠﺔ ﻋﺎﻳﺰ ﺍﻃﻠﻘﻬﺎ ..
ﻭﺗﺴﻮﻗﻮﻫﺎ ﻣﻌﺎﻛﻢ .ﻗﺎﻟﻴﻬﻮ ﻃﻴﺐ ﻭﻭﻟﺪﻙ . ؟
.. ﻗﺎﻝ ﻟﻴﻬﻮ ﻭﻟﺪﻱ ﺧﻠﻴﺘﻮ ﻟﻴﻜﻢ .. ﺑﺨﻴﺖ ﻭﺳﻌﻴﺪ ﻋﻠﻴﻜﻢ
..ﻓﻲ ﺍﻟﻠﺤﻈﺔ
ﺩﻱ ﺑﻜﺮﻱ ﺟﺎ ﺧﺎﺷﻲ ﻣﻦ ﺍﻟﻤﺪﺭﺳﺔ ﺳﻤﻊ ﺍﺑﻮﻩ ... ﻃﺒﻌﺎ ﺑﻜﺮﻱ ﺑﻘﻰ ﻣﺎﺷﺎﻳﻒ
ﻗﺪﺍﻣﻪ .. ﻣﻦ ﺍﻟﻐﻤﺔ ﻭﺍﻟﺰﻋﻞ
ﻣﻦ ﻛﻼﻡ ﺍﺑﻮﻫﻮ ﺩﺓ .. ﻗﺎﻝ ﻟﻴﻬﻢ
ﻃﺒﻌﺎ ﺍﺑﻮﻱ ﻋﺎﻳﺰ ﻳﺘﺰﻭﺝ ﻋﺰﻳﺰﺓ ﺧﺎﻟﻮ ﻗﺎﻝ ﻟﻴﻬﻮ ﻋﺰﻳﺰﺓ ﻣﻨﻮ؟ ..
ﻗﺎﻝ ﻟﻴﻬﻮ ﺗﺘﺬﻛﺮ ﻳﺎﺧﺎﻟﻮ ﺍﻟﺒﺖ ﺍﻟﺠﺎﺕ ﻻﺑﻮﻱ ﻓﻲ
ﺍﻟﻤﺴﺘﺸﻔﻰ .ﻭﺍﻣﻲ ﻣﺎﺷﺎﻓﺘﻬﺎ . ﻭﻗﻌﺪﺕ ﺗﺘﻜﻠﻢ ﻣﻊ ﺍﺑﻮﻱ ﻋﻠﻰ ﺍﻧﻬﺎ ﻣﻦ ﻧﺎﺱ
ﺍﻟﺸﻐﻞ ...
ﻭﺍﻧﺎ ﻗﻌﺪﺗﺎ ﺍﺑﻜﻲ ﻭﺍﻧﺖ ﺳﺄﻟﺘﻨﻲ ﻭﺍﻧﺎ ﻧﻜﺮﺕ ؟ﻣﺘﺬﻛﺮ ؟
ﺧﺎﻟﻮ ﻗﺎﻟﻴﻬﻮ ﺍﻳﻮﺓ ﻣﺘﺬﻛﺮ .. ﺍﻫﺎ؟ ..
ﻗﺎﻟﻴﻬﻮ ﺩﻱ ﻳﺎﻫﺎ ﻋﺰﻳﺰﺓ ﻳﺎﺧﺎﻟﻮ ﻭﺍﺑﻮﻱ ﻋﺎﻳﺰ
ﻳﺘﺰﻭﺟﻬﺎ ..ﻭﻛﻤﺎﻥ ﺍﻧﺎ ﺳﻤﻌﺖ ﺍﻥ .. ﺳﻜﺖ ﺍﺑﺎ ﻳﺘﻢ ﺍﻟﻜﻼﻡ ﺧﺎﻟﻮ
ﻗﺎﻟﻴﻬﻮ ﻛﻤﻞ ..
ﻗﺎﻡ ﺟﺮﻱ ﻣﺸﻰ ﻋﻠﻰ ﺍﻟﻤﻄﺒﺦ ..
ﻭﻗﻌﺪ ﻓﻲ ﺍﻻﺭﺽ ﻭﻗﻌﺪ ﻳﺒﻜﻲ .. ﻭﺍﻟﻮﻛﺖ ﺩﻩ ﻛﻠﻪ ﺟﻌﻔﺮ ﺻﺎﺑﺔ ﻓﻮﻗﻮ ﻣﻄﺮﺓ
.. ﺳﺎﻛﺖ ﺳﺎﺍﺍﺍﺍﺍﻱ . ﺍﻟﻤﻬﻢ
ﻣﺨﺘﺎﺭ ﻓﻬﻢ ﺍﻟﺤﺎﺻﻞ .. ﻗﺎﻝ ﻟﻴﻬﻮ ﻳﺎﺟﻌﻔﺮ ﻭﺍﻟﻠﻪ ﺍﻧﺖ ﻣﺎ ﺭﺍﺟﻞ ..ﻋﻠﻴﻚ
ﺍﻟﻠﻪ ﺩﻩ ﻇﺮﻑ ﺗﺘﺨﻠﻰ ﻓﻴﻬﻮ ﻋﻦ
ﺍﻭﻻﺩﻙ ؟ﺍﻧﺎ ﻭﺍﻟﻠﻪ ﻟﻮ ﺑﻘﻴﺖ ﻋﺎﻳﺰ ﺍﻣﻮﺕ .. ﻓﻲ ﻇﺮﻑ ﺯﻱ ﺩﻩ ﻣﺎ ﺡ ﺃﻋﻤﻞ
ﻋﻤﻠﻴﺘﻚ ﺩﻱ . ﺻﺤﻴﺢ ﺍﻧﺖ ﺭﺍﺟﻞ
ﻛﻠﺐ ﻭﻣﺎﺑﺘﺘﺴﺎﻫﻞ ﺭﻗﻴﺔ ..
ﻭﺭﻗﻴﺔ ﻃﺒﻌﺎ ﺗﻌﺎﻳﻦ ﺑﻌﻴﻮﻧﻬﺎ ﻭﻣﺎﻗﺎﺩﺭﺓ ﺗﻨﻄﻖ ﻛﻠﻤﺔ ..ﻓﻲ ﺍﻟﻨﻬﺎﻳﺔ ﺳﻮﺳﻦ
ﺳﺄﻟﺘﻬﺎ ؟ .. ﻳﺎﺭﻗﻴﺔ ﺍﻧﺘﻲ ﺍﻟﺮﺍﺟﻞ ﺩﻩ
ﻋﺎﻳﺰﺍﻫﻮ ؟ ..ﺍﺷﺮﺕ ﻟﻴﻬﺎ ﺑﺮﺍﺳﻬﺎ ﻗﺎﻟﺖ ﻟﻴﻬﺎ ﻧﻌﻢ ..
ﻗﺎﻟﺖ ﻟﻴﻬﺎ ﻃﻴﺐ ﻫﻮ ﻋﺎﻳﺰ ﻳﺘﺰﻭﺝ .. ﻫﺰﺕ ﻟﻴﻬﺎ ﺭﺍﺳﻬﺎ ﺑﻲ ﻧﻌﻢ .. ﻗﺎﻟﺖ
ﻟﻴﻬﺎ
ﻋﺎﻳﺰﺓ ﺗﺘﻄﻠﻘﻲ؟ﻗﺎﻟﺖ .. ﻻ .. ﻗﺎﻟﺖ ﻟﻴﻬﺎ ﻟﻴﻪ ﻳﺎﺭﻗﻴﺔ ﻛﺪﺍ ؟ .. ﻗﺎﻣﺖ
ﺭﻗﻴﺔ ﺑﻘﺖ ﺗﻌﺎﻳﻦ ﻟﻠﻤﻄﺒﺦ ﻳﻌﻨﻲ ( ﻋﺸﺎﻥ ﻭﻟﺪﻱ ) ..
ﻗﺎﻡ ﺟﻌﻔﺮ ﻫﺎﺝ . ﻭﻗﺎﻝ ﻟﻴﻬﺎ ﺍﺳﻤﻌﻲ ﻳﺎﺭﻗﻴﺔ .. ﺍﻧﺎ
ﻣﺎﻋﺎﻳﺰﻙ ﻭﻣﺎ ﺣﺄﻗﺪﺭ ﺍﺗﻌﺎﻳﺶ ﻣﻌﺎﻙ ..
ﻭﺍﻫﻢ ﺣﺎﺟﺔ ﻋﺰﻳﺰﺓ ﻣﺎﻋﺎﻳﺰﺍﻙ ..
خلوكم قراب وإنتظرونا في الحلقة القادمة على مدونة سودانية 23
وصفحتنا الرسمية على الفيسبوك روايات سودانية.
