روايات سودانية | رواية الهدير - طارق اللبيب الحلقة 2
رواية الهدير - الحلقة 2
ﺍﻟﺤﺎﺩﺙ ﺩﻩ ﻳﺎﺟﻤﺎﻋﺔ ﻣﺘﻜﺮﺭ ﻛﺘﻴﺮ ﻓﻲ ﺑﻠﺪﻧﺎ
.. ﻭﺍﻟﻨﺎﺱ ﺍﻟﺴﺎﻛﻨﻴﻦ ﻗﺮﻳﺐ ﻣﻦ ﺍﻟﺸﻮﺍﺭﻉ ﺍﻟﺴﻔﺮﻳﺔ .. ﺑﻘﺖ ﻋﻨﺪﻫﻢ ﻣﺸﺎﻫﺪ
ﺍﻟﻤﻮﺕ .. ﻭﺍﻟﺪﻣﺎﺀ ﻓﻲ ﺍﻟﺰﻟﻂ ﺣﺎﺟﺔ ﻋﺎﺩﻳﺔ
.. ﻧﺴﺒﺔ ﻻﻧﻮ ﻧﺤﻦ ﺍﻟﺒﻠﺪ ﺍﻟﻮﺣﻴﺪ ﻓﻲ ﺍﻟﺪﻧﻴﺎ ..ﺍﻟﻄﺮﻕ ﺍﻟﺴﻔﺮﻳﺔ ﻋﻨﺪﻧﺎ ﻣﺴﺎﺭ
ﻭﺍﺣﺪ .. ﺍﻟﻄﺮﻳﻖ ﻣﻤﻴﺖ .. ﺍﻟﺒﻠﺪ ﻗﺎﺗﻞ .. ﻳﺎ
ﺇﺍﻟﻬﻲ ﻣﺎ ﺍﻟﺬﻱ ﻳﺠﻌﻞ ﺣﻜﻮﻣﺎﺗﻨﺎ ﺍﻟﻤﺘﻌﺎﻗﺒﺔ ﺗﻀﻴﻊ ﺍﻻﻣﻮﺍﻝ ﻓﻲ ﻣﺎ ﻻﻳﻨﻔﻊ .
ﻭﻻﺗﺴﺘﻄﻴﻊ ﺍﻥ ﺗﻮﻓﺮ ﻟﻠﺮﻋﻴﺔ ﻃﺮﻳﻖ ﻣﻦ ﻣﺴﺎﺭﻳﻦ
؟ .. ﻣﺎ ﺍﻟﺪﺍﻋﻲ ﻟﻠﻄﺮﻕ ﺍﻟﻤﺴﻔﻠﺘﺔ ﻓﻲ ﻧﺺ ﺍﻟﺤﻠﺔ .. ﻭﺍﻟﺸﻮﺍﺭﻉ ﺍﻟﺴﻔﺮﻳﺔ
ﻣﻦ ﻣﺴﺎﺭ ﻭﺍﺣﺪ؟؟ ﻭﺍﻟﺸﺎﺭﻉ ﺍﻻﺳﻮﺩ ﻳﺤﺼﺪ ﻳﻮﻣﻴﺎ
ﺍﺭﻭﺍﺡ ﺍﺣﺒﺎﺑﻨﺎ ؟
ﻭﻣﺴﺆﻟﻴﺔ ﺍﻟﺤﻜﻮﻣﺔ ﺍﻳﻀﺎ" ﻓﻲ ﺍﻟﺘﺴﺎﻫﻞ
ﻓﻲ ﺍﺻﺪﺍﺭ ﺭﺧﺼﺔ ﺍﻟﻘﻴﺎﺩﺓ .. ﻭﺑﺎﻟﻔﺴﺎﺩ ﺍﻟﻤﺴﺘﺸﺮﻱ ..ﻣﻤﻜﻦ ﺟﺪﺍ ﺗﺎﺧﺪ ﺭﺧﺼﺔ
ﺑﺎﻟﻠﻒ ﻭﺍﻟﺪﻭﺭﺍﻥ .. ﺑﻮﺍﺳﻄﺔ ﺍﻭ ﻏﻴﺮﻭ .. ﻭﺍﻧﺖ
ﺳﻮﺍﻗﺘﻚ ﺷﺒﻪ
.
ﻭﺍﻟﻨﺘﻴﺠﺔ ﻗﺘﻞ .. ﺳﻔﻚ ﺩﻣﺎﺀ .. ﻋﻠﻰ ﻗﺎﺭﻋﺔ
ﺍﻟﻄﺮﻳﻖ ﻭﻗﺘﻞ ﺍﺭﻭﺍﺡ ﺑﺮﻳﺌﺔ
..
ﻭﺍﻟﻤﺴﺆﻟﻴﺔ ﺍﻟﺘﺎﻧﻴﺔ ..ﺗﻘﻊ ﻋﻠﻰ ﺳﺎﺋﻘﻲ ﺍﻟﺸﺎﺣﻨﺎﺕ
.. ﻭﺍﻟﺒﺼﺎﺕ ﺷﺎﻳﻠﺔ ﻛﻤﻴﺔ ﻣﻦ ﺍﻟﺒﺸﺮ ﻭﺗﺘﺨﻄﻰ ..ﻭﻗﻤﺔ ﺍﻻﺳﺘﻬﺘﺎﺭ .. ﻭﻟﻮ
ﺑﻘﻰ ﻓﻲ ﺧﻠﻞ ﻓﻲ ﺗﻘﺪﻳﺮ ﺍﻟﻤﺴﺎﻓﺔ .. ﺗﺤﺼﻞ ﺍﻟﻜﺎﺭﺛﺔ ..
ﻭﺍﻟﻮﺟﻊ ﺭﺍﻗﺪ …
ﺍﻭﻝ ﻣﻦ ﺣﺼﻞ ﺍﻟﺤﺎﺩﺙ ..ﻧﺎﺱ ﺍﻟﻤﻨﻄﻘﺔ ﻭﺍﻟﻨﺎﺱ
ﺍﻟﻌﻨﺪﻫﻢ ﺩﻛﺎﻛﻴﻦ ﻓﻲ ﺍﻟﺸﺎﺭﻉ .. ﻭﺍﻟﻜﺎﻧﻮ ﺑﺸﺮﺑﻮ ﻓﻲ ﺍﻟﻘﻬﻮﺓ ﻋﻠﻰ
ﺍﻟﻄﺮﻳﻖ .. ﺳﻤﻌﻮﺍ ﺿﺮﺑﺔ ﺍﻟﺤﺪﻳﺪ ﻋﻠﻰ ﺍﻟﺤﺪﻳﺪ
.. ﺍﺗﻠﻔﺘﻮ ﻭﺷﺎﻓﻮ ﺍﻟﻤﺸﻬﺪ ﺍﻟﻤﺆﺳﻒ .. ﻭﺍﻟﻌﺮﺑﻴﺔ ﺗﺘﻘﻠﺐ .. ﻭﺍﻟﻐﺒﺎﺭ ﻗﺎﻳﻢ
ﻣﻌﺎﻫﺎ .. ﻟﻤﻦ ﺍﻟﻌﺮﺑﻴﺔ ﺛﺒﺘﺖ ﻣﻘﻠﻮﺑﺔ .. ﺍﻟﻨﺎﺱ
ﺩﻳﻞ ﺟﻮ ﺟﺎﺭﻳﻦ ﻣﻦ ﻛﻞ ﺍﺗﺠﺎﻩ .. ﻧﺎﺱ ﺟﺎﻳﻦ ﻣﻦ ﺷﺮﻕ ﺍﻟﺰﻟﻂ ﻭﺍﺣﺪﻳﻦ ﻣﻦ
ﻏﺮﺏ ﻭﻧﺎﺱ ﻣﻦ ﺟﻨﻮﺏ ﻭﺷﻤﺎﻝ .. ﻟﻐﺎﻳﺔ ﻣﺎ ﺍﻧﻜﺒﻮ
ﻓﻲ ﺍﻟﻌﺮﺑﻴﺔ ﺍﻟﻤﻘﻠﻮﺑﺔ
..
ﻗﺒﻞ ﺍﻟﻨﺎﺱ ﻣﺎﻳﺼﻠﻮ ﺍﻟﻌﺮﺑﻴﺔ .. ﺑﻜﺮﻱ ﺩﻓﺮ ﺑﺎﺏ
ﺍﻟﻌﺮﺑﻴﺔ ﺑﺮﺟﻠﻪ ﻭﻃﻠﻊ ﺑﺤﺒﺎ .. ﻭﻃﻠﻊ ﺑﻘﻰ ﻳﻌﺎﻳﻦ ﻻﺑﻮﻩ ﻭﺍﻣﻮ ﻣﻦ ﺑﺮﻩ ..
ﺍﺑﻮﻫﻮ ﺳﺎﺑﺢ ﻓﻲ ﺩﻣﻮ .. ﻭﺍﻣﻮ ﻓﻲ ﺑﺮﻛﺔ ﻣﻦ ﺍﻟﺪﻡ
.. ﻟﻐﺎﻳﺔ ﻣﺎ ﺍﻟﺪﻡ ﺩﻩ ﺳﺎﻳﻞ ﺑﺮﺓ ﺍﻟﻌﺮﺑﻴﺔ .. ﻭﻃﺎﻟﻊ ﺑﻴﻦ ﺍﻟﺒﺎﺏ ﻭﺍﻟﻘﺰﺍﺯ
ﺍﻟﻤﻘﻔﻮﻝ .. ﻭﺍﻟﻘﺰﺍﺯ ﻣﺸﻘﻖ .. ﺑﻜﺮﻱ ﺿﺮﺏ ﺍﻟﺒﺎﺏ
ﺍﻟﻘﺪﺍﻡ ﺑﺮﺟﻠﻮ .. ﻭﻫﺮﺱ ﺑﺎﻗﻲ ﺍﻟﻘﺰﺍﺯ .. ﻭﻏﻠﺒﻮ ﻳﻬﺒﺶ ﺍﻣﻮ ﻭﺍﺑﻮﻫﻮ ..
ﺑﺲ ﺷﺎﻝ ﺍﻟﺘﻠﻔﻮﻥ ﺍﻟﻜﺎﻥ ﻭﺍﻗﻊ ﻓﻲ ﺳﻘﻒ ﺍﻟﻌﺮﺑﻴﺔ
.. ﺍﻟﺴﻘﻒ ﺍﻟﻜﺎﻥ ﻓﻮﻕ ﻭﺑﻘﻰ ﺗﺤﺖ .. ﻭﺍﻣﻮ ﻭﺍﺑﻮﻫﻮ ﻭﺍﻗﻌﻴﻦ ﻓﻮﻕ
ﺑﻌﺾ .. ﻭﻛﻞ ﻭﺍﺣﺪ ﺭﺍﺳﻮ ﻣﻦ ﺟﻴﻬﺔ ..
ﺷﺎﻝ ﺍﻟﺘﻠﻔﻮﻥ ..ﻭﻋﺎﻳﺰ ﻳﻀﺮﺏ ﻟﺨﺎﻟﻮ ﺷﻘﻴﻖ ﻭﺍﻟﺪﺓ
ﺍﻟﻤﻘﺮﺏ ﻟﻴﻬﻢ ﺟﺪﺍ ﺍﺳﻤﻮ ﻣﺨﺘﺎﺭ
..
ﻟﻤﻦ ﺑﻜﺮﻱ ﻋﺎﻳﻦ ﻟﻠﺘﻠﻔﻮﻥ ﻟﻘﻰ ﺍﻟﺨﻂ ﻓﺎﺗﺢ
.. ﺧﺘﺎﻫﻮ ﻓﻲ ﺍﺿﺎﻧﻮ .. ﻭﺳﻤﻊ ﻓﻲ ﻭﺍﺣﺪﺓ ﺑﺘﺘﻜﻠﻢ ..
ﻭﺑﺘﻘﻮﻝ .. ﺟﻌﻔﺮ ﻳﺎﺣﺒﻴﺒﻲ ﺍﻟﻮ ﺍﻟﻮ .. ﺍﻧﺖ
ﻭﻳﻦ؟ .. ﺍﻟﺼﻮﺕ ﺩﻩ ﺷﻨﻮ ﻳﺎﺟﻌﻔﺮ
..
ﺍﻭﻋﻪ ﻳﻜﻮﻥ ﺣﺼﻞ ﻟﻴﻜﻢ ﺣﺎﺟﺔ .. ﺟﻌﻔﺮ ﺍﻧﺖ ﻭﻳﻦ
؟ … ﺍﻟﻮ
..
ﻃﻮﺍﻟﻲ ﺑﻜﺮﻱ ﻓﻬﻢ .. ﺍﻧﻮ ﺩﻱ ﺍﻟﺰﻭﻟﺔ ﺳﺒﺐ ﺍﻟﻤﺸﻜﻠﺔ
ﺑﻴﻦ ﺍﻣﻲ ﻭﺍﺑﻮﻱ .. ﻭﻫﻲ ﺍﻻﺗﺼﻠﺖ ﻭﻫﻲ ﺳﺒﺐ ﺍﻟﺤﺎﺩﺙ .. ﻃﻮﺍﻟﻲ
ﻗﺎﻟﻴﻬﺎ ..
ﺍﻧﺎ ﺑﻜﺮﻱ ﻭﻟﺪ ﺟﻌﻔﺮ .. ﺍﺑﻮﻱ ﺣﺼﻞ ﻟﻴﻬﻮ ﺣﺎﺩﺙ
ﺑﻲ ﺷﺒﺒﻚ ﻭﻣﺎﺕ .. ﻫﻮ ﻭﺍﻣﻲ .. ﺍﻟﻠﻪ ﻳﻨﺘﻘﻢ ﻣﻨﻚ ﻓﻲ ﺍﻟﺪﻧﻴﺎ ﻗﺒﻞ
ﺍﻻﺧﺮﺓ ..
ﻗﺎﻟﺖ ﻟﻴﻬﻮ ﺳﺠﻤﻲ ﻳﺎ ﺑﻜﺮﻱ .. ﺟﻌﻔﺮ ﺣﺼﻞ ﻟﻴﻬﻮ
ﺷﻲ ؟
ﻗﺎﻟﻬﺎ : ﻗﻠﺖ ﻟﻴﻚ ﻣﺎﺍﺍﺍﺕ ﻣﺎﺕ .. ﻳﻤﻮﺕ ﺣﻴﻠﻚ
ﺍﻗﻄﻌﻲ ﻭﺷﻚ ﻳﻼ
..
ﻭﻗﻔﻞ ﻣﻨﻬﺎ ﺍﻟﺨﻂ .. ﻭﺿﺮﺏ ﻟﺨﺎﻟﻮ ﻭﺭﺍﻫﻮ ﺍﻟﺤﺼﻞ
ﺑﻜﻞ ﺷﺠﺎﻋﺔ .. ﺧﺎﻟﻮ ﻗﺎﻝ ﻟﻴﻬﻮ ﺷﺪ ﺣﻴﻠﻚ ﻳﺎﺑﻜﺮﻱ ﺍﻧﺎ ﺟﺎﻳﻴﻚ .. ﺑﺘﺎﺑﻊ
ﻣﻌﺎﻙ ﺑﺎﻟﺘﻔﻮﻥ ﺭﺩ ﻟﻲ ..
ﺍﻟﺠﻤﺎﻋﺔ ﺍﻟﻔﻲ ﺍﻟﺸﺎﺭﻉ ﺩﻳﻞ ﺍﻟﺠﻮ ﺟﺎﺭﻳﻦ ﻋﺸﺎﻥ
ﻳﺤﺼﻠﻮ ﺍﻟﻀﺤﺎﻳﺎ .. ﻛﺎﻧﻮ ﻣﺨﺘﻠﻔﻴﻦ ﻓﻲ ﺍﻟﺼﻔﺎﺕ .. ﻓﻴﻬﻢ ﻧﺎﺱ ﻣﺨﻠﻮﻋﻴﻦ
ﻭﻣﺎﻗﺎﺩﺭﻳﻦ ﻳﻌﻤﻠﻮ ﺣﺎﺟﺔ .. ﻭﻓﻴﻬﻢ ﻧﺎﺱ ﻣﻦ ﺍﻫﻞ
ﺍﻟﻤﻨﻄﻘﺔ .. ﻛﺎﻧﻮ ﺍﻫﻞ ﻣﺮﻭﺓ ﻭﺷﺠﺎﻋﺔ .. ﻃﻮﺍﻟﻲ ﺍﺟﺘﻤﻌﻮ ﺯﻱ ﻋﺸﺮﺓ 12
ﻛﺪﺍ ﻭﺭﻓﻌﻮ ﺍﻟﻌﺮﺑﻴﺔ ﺷﻮﻳﺔ ﻛﺪﺍ ﻭﻓﻲ ﻧﺎﺱ ﺍﻧﺤﺸﺮﻭﺍ
ﻳﻄﻠﻌﻮ ﻓﻲ ﺍﻟﺮﺍﺟﻞ ﻭﺍﻟﻤﺮﺍﺓ ﻣﻦ ﺟﻮﺓ
..
ﻭﻓﻲ ﺗﻼﺕ ﺷﺒﺎﺏ ﻣﺸﻮ ﻭﻗﻔﻮ ﻓﻲ ﺍﻟﺰﻟﻂ .. ﻭﻗﻔﻮ
ﻟﻴﻬﻢ ﺑﻮﻛﺴﻲ .. ﻭﺟﺎﺑﻮﻫﻮ .. ﻭﺭﻓﻌﻮ ﺟﻌﻔﺮ ﻭﺯﻭﺟﺘﻮ .. ﻭﻫﻢ
ﻣﺎﻣﻌﺮﻭﻓﻴﻦ ﺍﺣﻴﺎﺀ ﻭﻻ ﺍﻣﻮﺍﺕ .. ﻭﺭﻓﻌﻮ ﻣﻌﺎﻫﻢ
ﺍﻟﻮﻟﺪ ﻭﻗﺎﻟﻮ ﻟﻴﻬﻮ ﻳﻼ ﻣﺴﺘﻔﻰ ﺳﻮﺑﺎ
..
ﺩﻳﻞ ﻧﺎﺱ ﺍﻟﺠﺰﻳﺮﺓ .. ﺍﻫﻞ ﺍﻟﺨﻴﺮ ﻭﺍﻟﺒﺮﻛﺔ ﻭﺫﺭﻳﺔ
ﺍﻟﺼﺎﻟﺤﻴﻦ .. ﺍﻟﺒﺪﺭﻛﻮ ﺍﻟﻤﻠﻬﻮﻑ
..
ﺍﻟﻮﺍﺣﺪ ﺍﻟﺒﺘﻬﺒﺸﻮ ﻓﻴﻬﻢ ﻛﻠﻮ ﺑﺘﻠﻘﺎﻫﻮ ﺩﻭﺍﺀ
.. ﻛﺎﻥ ﺧﺘﻮﻫﻮ ﻓﻮﻕ ﺍﻟﺠﺮﺡ ﻳﺒﺮﺍ
..
ﻣﺎﻓﻜﺮﻭﺍ ﻓﻲ ﻣﺼﺎﻟﺤﻬﻢ . ﻭﻻ ﻓﻲ ﺑﺮﺍﻣﺠﻬﻢ ..
ﺍﻧﻘﺎﺫ ﺍﻟﻤﺼﺎﺏ .. ﻧﺴﺎﻫﻢ ﻛﻞ ﺷﻲ .. ﻭﺃﻧﺎ ﺳﻮﺩﺍﻧﻲ .. ﻭﺩﻳﻞ ﺍﻫﻠﻲ ..
ﻭﺭﻓﻌﻮ ﻣﻌﺎﻫﻢ ﺍﻟﻮﻟﺪ .. ﻭﻳﻼ ﻋﻠﻰ ﺳﻮﺑﺎ ﺍﻟﻤﺴﺘﺸﻔﻰ ..
ﺍﻟﻨﺎﺱ ﺑﺘﺎﻋﻴﻦ ﺍﻟﺒﺺ ﺍﻟﺴﻔﺮﻱ .. ﻣﺎﺣﺼﻠﻴﻬﻢ ﺣﺎﺟﺔ
ﺍﻟﺤﻤﺪ ﻟﻠﻪ .. ﺑﺲ ﺍﺗﻮﻗﻔﻮ ﻓﻲ ﺍﻟﻄﺮﻳﻖ
.
ﻭﺍﻟﺴﻮﺍﻕ ﺗﻢ ﺍﻟﺘﺤﻔﻆ ﻋﻠﻴﻬﻮ ﻋﻠﻰ ﺫﻣﺔ ﺍﻟﺘﺤﻘﻴﻖ
. ﻭﺑﻘﻴﺔ ﺍﻟﺮﻛﺎﺏ ﻣﺎﻋﺎﺭﻑ ﺍﺗﺼﺮﻓﻮ ﺭﻛﺒﻮ ﻭﻻ ﺍﻟﺤﺼﻞ ﺷﻨﻮ ﺑﺎﻟﻀﺒﻂ ..
ﺍﻟﻤﻬﻢ ﺍﻧﺎ ﻫﺴﻲ ﻣﺎﺷﻲ ﻣﻊ ﻧﺎﺱ ﺍﻟﺒﻮﻛﺴﻲ .
ﺟﻌﻔﺮ ﻭﺯﻭﺟﺘﻮ ﻣﺮﻗﺪﻳﻦ ﻓﻲ ﺍﻟﺒﻮﻛﺴﻲ ﻓﻲ ﻧﺺ ﺍﻟﺼﻨﺪﻭﻕ
.. ﻭﺍﻟﻤﺮﺍﺓ ﻣﻐﻄﻴﻨﻬﺎ ﺑﻲ ﺗﻮﺑﻬﺎ ﺍﻟﺒﺮﺗﻘﺎﻟﻲ ﻭﺍﻟﺪﻣﺎﺀ ﻃﺎﻟﻌﺔ ﻣﻦ
ﺧﺸﻤﻬﺎ ﻭﺗﺸﺨﺮ ..
ﻭﺍﻟﺸﺒﺎﺏ ﺯﻱ 6 ﻛﺪﺍ ﺭﺍﻛﺒﻴﻦ ﻋﻠﻰ ﺣﺎﻓﺎﺕ ﺍﻟﺼﻨﺪﻭﻕ
.. ﻭﻋﺎﻣﻠﻴﻦ ﻇﻞ ﻟﻠﻤﺼﺎﺑﻴﻦ ﺑﻲ ﻋﻤﺔ
..
ﺍﻫﺎ ﻃﺒﻌﺎ ﻭﺻﻠﻮ ﺍﻟﻤﺴﺘﺸﻔﻰ ﻭﻃﺒﻌﺎ " ﻧﺎﺱ
ﻣﺴﺘﺸﻔﻰ ﺳﻮﺑﺎ ﺩﻳﻞ ﺑﺨﺘﻠﻔﻮ ﻋﻦ ﺍﻱ ﻣﺴﺘﺸﻔﻰ ﻓﻲ ﺍﻟﺨﺮﻃﻮﻡ .. ﺣﺘﻲ
ﺍﻟﻤﺴﺘﺸﻔﻴﺎﺕ ﺍﻟﺨﺎﺻﺔ .. ﻋﻨﺪﻫﻢ ﺍﻫﺘﻤﺎﻡ ﻏﺮﻳﺐ
ﺑﺎﻟﻤﺮﺿﻲ .. ﻭﻋﻨﺎﻳﺔ ﻃﺒﻴﺔ ﻓﺎﻳﻘﺔ .. ﻭﺍﻃﺒﺎﺀ ﻋﻨﺪﻫﻢ ﻣﺴﺆﻭﻟﻴﺔ ﺳﺒﺤﺎﻥ
ﺍﻟﻠﻪ .. ﻣﻊ ﻗﻠﺔ ﺍﻻﻣﻜﺎﻧﻴﺎﺕ ﻟﻜﻦ .. ﺍﻫﺘﻤﻮ
ﺑﺤﺎﻟﺔ ﺍﻟﻤﺼﺎﺑﻴﻦ ﺩﻳﻞ ﺍﻫﺘﻤﺎﻡ ﻣﺪﻫﺶ ﺑﺎﻟﺠﺪ .. ﻭﺍﻻﺳﻌﺎﻑ ﻛﺎﻥ ﺳﺮﻳﻊ ﺷﺪﻳﺪ ..
ﻭﻣﺨﺘﺎﺭ ﺍﺧﻮ ﺭﻗﻴﺔ ﻭﺻﻞ ﻭﻣﻌﺎﻫﻮ ﺷﻠﺔ ﻣﻦ ﺍﻻﻫﻞ ..
ﺟﻌﻔﺮ ﺣﺼﻠﺖ ﻟﻴﻬﻮ ﺿﺮﺑﺔ ﻓﻲ ﺍﻟﺮﻗﺒﺔ .. ﻭﻛﺘﻔﻮ
ﺍﺗﻔﻠﺖ ﻣﻦ ﻣﻜﺎﻧﻪ .. ﻭﻫﻮ ﻓﻲ ﻏﻴﺒﻮﺑﺔ
..
ﺑﺲ ﺣﺎﻟﺘﻮ ﻣﺴﺘﻘﺮﺓ ..
ﺭﻗﻴﻪ ﺍﺗﻀﺮﺑﺖ ﻓﻲ ﺭﺍﺳﻬﺎ ﻭﺍﻟﺪﻡ ﻧﺎﺯﻑ ﺑﻲ ﻣﻨﺎﺧﻴﺮﻫﺎ
ﻭﺧﺸﻤﻬﺎ .. ﻭﻣﺎﻣﻌﺮﻭﻑ ﺣﺎﻟﺘﻬﺎ ﺷﻨﻮ ﻟﻐﺎﻳﺔ ﺍﻟﻠﺤﻈﺔ ..
ﺯﻱ ﺍﻟﺴﺎﻋﺔ ﺗﻼﺗﺔ ﺗﻘﺮﻳﺒﺎ .. ﺳﻤﺤﻮ ﻟﻠﻨﺎﺱ ﻳﺪﺧﻠﻮ
ﻋﻠﻰ ﺟﻌﻔﺮ .. ﺣﻮﻟﻮﻩ ﻟﻠﻌﻨﺒﺮ
..
ﺍﻣﺎ ﺭﻗﻴﺔ ﺩﺧﻠﻮﻫﺎ ﺍﻟﻌﻨﺎﻳﺔ ﺍﻟﻤﻜﺜﻔﺔ .. ﻭﺣﺎﻟﺘﻬﺎ
ﺧﻄﺮﺓ ﺟﺪﺍ .. ﻭﻣﻨﻌﻮ ﺍﻱ ﺯﻭﻝ ﻳﺪﺧﻞ ﻋﻠﻴﻬﺎ
..
ﻭﺟﻌﻔﺮ ﺑﺪﺍ ﻳﺴﺘﻌﻴﺪ ﻭﻋﻴﻮ ﺑﺲ ﻣﻤﻨﻮﻉ ﻣﻦ ﺍﻱ ﺣﺮﻛﺔ ...
ﻭﺍﻻﻫﻞ ﺩﺧﻠﻮ ﻋﻠﻴﻬﻮ .. ﻭﺍﻏﻠﺒﻴﺘﻬﻢ ﻣﻦ ﺍﻫﻞ ﺭﻗﻴﺔ
.. ﻋﺸﺎﻥ ﺍﻫﻞ ﺟﻌﻔﺮ ﻭﺍﺧﻮﺍﺗﻮ ﺃﻋﻠﺒﻴﺘﻬﻢ ﻓﻲ ﺍﻟﻌﺮﺱ ﺍﻟﻔﻲ ﻣﺪﻧﻲ ..
ﻭﻟﻐﺎﻳﺔ ﺍﻟﻠﺤﻈﺔ ﻣﺎﻋﻨﺪﻫﻢ ﺧﺒﺮ .. ﺑﺎﻟﺤﺎﺩﺙ ..
ﻭﺍﻟﻨﺎﺱ ﺩﻳﻞ ﻳﺴﻠﻤﻮ ﻋﻠﻰ ﺟﻌﻔﺮ ﻭﻳﺤﻤﺪﻭ ﻟﻴﻬﻮ
ﻓﻲ ﺍﻟﺴﻼﻣﺔ
..
ﺍﻭﻝ ﻣﺎ ﻭﻋﻰ ﻗﺎﻝ ﻟﻴﻬﻢ ﺑﻜﺮﻱ ﻭﺭﻗﻴﺔ ﻭﻳﻨﻬﻢ
؟
ﻛﺎﻥ ﺣﺼﻞ ﻟﻴﻬﻢ ﺣﺎﺟﺔ ﻣﺎ ﺗﻜﻠﻤﻮﻧﻲ .. ﻣﺎﺗﻘﻮﻟﻮ
ﻟﻲ ..
ﻗﺎﻟﻮ ﻟﻴﻬﻮ ﻛﻮﻳﺴﻴﻦ ﺑﻜﺮﻱ ﻳﻬﻮﺩﺍ ﻭﺍﻗﻒ ﺟﻤﺒﻚ
.. ﺑﺲ ﻋﻨﺪﻭ ﺳﻠﺨﺔ ﺻﻐﻴﺮﺓ ﻓﻲ ﻛﻮﻉ ﻳﺪﻭ ﺍﻟﺸﻤﺎﻝ ﻭﻋﻤﻠﻮ ﻟﻴﻬﺎ ﻟﺼﻘﺔ
ﻭﺧﻼﺹ ..
ﻭﺭﻗﻴﺔ ﺟﻮﻩ ﻣﻊ ﺍﻟﺪﻛﺎﺗﺮﺓ ﻭﻛﻮﻳﺴﺔ .
ﺟﻌﻔﺮ ﺑﻘﻰ ﻳﻌﺎﻳﻦ ﻟﻌﻴﻮﻥ ﺍﻟﻨﺎﺱ ﻋﺸﺎﻥ ﻳﺨﺘﺒﺮ
.. ﻫﻞ ﻫﻢ ﻛﺬﺍﺑﻴﻦ ﻭﻻ ﺻﺎﺩﻗﻴﻦ .. ﻗﺎﻝ ﻟﻴﻬﻢ
ﻭﺩﻭ ﻟﻴﻬﺎ ﺗﻠﻔﻮﻥ ﺗﺘﻜﻠﻢ ﻣﻌﺎﻱ ﻋﺸﺎﻥ ﺍﻃﻤﺌﻦ ..
ﻗﺎﻟﻮﻟﻴﻪ .. ﻣﺎﻣﻤﻜﻦ ﻻﻧﻮ ﻫﺴﻲ ﻣﻌﺎﻫﺎ ﺍﻟﺪﻛﺎﺗﺮﺓ
.. ﺍﺻﺒﺮ ﺷﻮﻳﺔ ﻳﻄﻠﻌﻮ ﻣﻨﻬﺎ
..
ﻧﺤﻦ ﻗﻠﻨﺎ ﻟﻴﻚ ﻛﻮﻳﺴﺔ ﺍﻧﺖ ﺑﺲ ﺍﺧﺪ ﺭﺍﺣﺘﻚ ..
ﻭﺑﻜﺮﻱ ﻭﺍﻗﻒ ﺑﻌﺎﻳﻦ ﻻﺑﻮﻫﻮ .. ﻭﺷﻜﻠﻮ ﺯﻋﻼﻥ
.. ﺯﻱ ﺍﻟﻜﺎﻧﻮ ﺑﻘﻮﻝ ﻻﺑﻮﻫﻮ … ﺍﻟﺤﺼﻞ ﺩﻩ ﻛﻠﻮ ﺑﻲ ﺳﺒﺒﻚ ..
ﺍﻟﺤﺼﻞ ﺩﻩ ﻛﻠﻮ ﺑﻲ ﺳﺒﺐ ﺍﻻﺗﺼﺎﻝ ﺍﻟﺠﺎﻙ ﻭﺧﻼﻙ
ﻣﺮﺑﻮﻙ .. ﺧﺼﻮﺻﺎ ﻛﻞ ﻣﺮﺓ ﺑﺘﺬﻛﺮ ﺻﻮﺕ ﺍﻟﻤﺮﺍﺓ ﺍﻟﻜﺎﻧﺖ ﻓﻲ ﺍﻟﺘﻠﻔﻮﻥ
ﻭﻗﺖ ﺍﻟﺤﺎﺩﺙ .. ﻭﻫﻲ ﺑﺘﻨﺎﺩﻱ ﺟﻌﻔﺮ ﺣﺒﻴﺒﻲ ..
ﺟﺎﺀ ﺩﻛﺘﻮﺭ ﻣﺎﺷﻲ ﻣﺴﺮﻉ ﻓﻲ ﻏﻴﺮ ﻭﻗﺖ ﺍﻟﻤﺮﻭﺭ
.. ﻭﻣﻌﺎﻫﻮ ﺍﺗﻨﻴﻦ ﻣﻦ ﺍﻟﻤﻤﺮﺿﺎﺕ
..
ﻭﻣﺎﺷﻴﻦ ﺑﺴﺮﻋﺔ ﻋﻠﻰ ﺍﻟﻌﻨﺎﻳﺔ ..
ﺍﻟﻨﺎﺱ ﻛﻠﻬﺎ ﺑﻘﺖ ﺑﻘﺖ ﻣﺘﻮﺟﺴﺔ ..ﻭﺧﺎﻳﻔﺔ ﺍﻧﻮ
ﻳﻜﻮﻥ ﺍﻟﺪﻛﺘﻮﺭ ﻣﺎﺷﻲ ﻟﺮﻗﻴﺔ .. ﻭﻳﻜﻮﻥ ﺣﺼﻠﺖ ﻟﻴﻬﺎ ﺣﺎﺟﺔ .. ﻟﻜﻦ ﺑﺮﺿﻬﻢ
ﺣﺎﻭﻟﻮ ﻳﺨﻔﻮ ﺍﻟﺘﻮﺟﺲ ﻭﺍﻟﺨﻮﻑ ﻣﻦ ﺟﻌﻔﺮ ..
ﻟﻜﻦ ﺑﻜﺮﻱ ﺍﺗﻜﻠﻢ ﻃﻮﺍﻟﻲ ﻗﺎﻝ ﻋﺎﻳﻨﻮ ﺍﻟﺪﻛﺘﻮﺭ
ﺩﻩ .. ﻣﺎﺷﻲ ﺧﺎﺑﻲ ﺷﺪﻳﺪ ﻛﺪﺍ ﺷﻜﻠﻮ ﻣﺎﺷﻲ ﻻﻣﻲ ..
ﺍﻣﻜﻦ ﻳﻜﻮﻥ ﺍﻣﻲ ﻣﺎﺗﺖ؟ ﺍﻧﺎ ﺧﺎﻳﻒ ..
ﻋﻨﺪﻭ ﺧﺎﻟﺘﻮ ﻣﺴﻜﺘﻮ ﻋﻠﻴﻬﺎ ﻛﺪﺍ .. ﻭﻗﺎﻟﺖ ﻟﻴﻬﻮ
ﻣﺎﺗﻘﻮﻝ ﻛﺪﺍ ﻳﺎﺑﻜﻮﺭﻱ ﺍﻣﻚ ﻛﻮﻳﺴﺔ .. ﻫﺴﻲ ﺑﺘﺪﺧﻞ ﺗﺸﻮﻓﻬﺎ ﻣﺎﻋﻨﺪﻫﺎ ﺍﻱ
ﻋﻮﺟﺔ ..
ﻣﺨﺘﺎﺭ ﺑﺮﺍﺣﺔ ﺯﺍﻍ ﻣﺸﻰ ﻋﻠﻰ ﻋﻨﺒﺮ ﺍﻟﻌﻨﺎﻳﺔ
.. ﻭﻗﺎﻝ ﻟﻴﻬﻢ ﻣﻤﻜﻦ ﺍﺩﺧﻞ ؟ﻗﺎﻟﻮ ﻟﻴﻬﻮ ﺑﺲ ﻫﺴﻲ ﻣﻌﺎﻫﺎ ﺍﻟﺪﻛﺘﻮﺭ ..
ﻗﺪﺭ ﻣﺎ ﺣﺎﻭﻝ ﻣﺎﻗﺪﺭ .. ﻓﻲ ﺍﻟﻨﻬﺎﻳﺔ ﺭﺟﻊ ﻭﻫﻮ
ﺧﺎﻳﻒ ﻋﻠﻰ ﺍﺧﺘﻮ ﺧﻮﻑ ﺷﺪﻳﺪ
..
ﺑﻌﺪ ﺭﺑﻊ ﺳﺎﻋﺔ ﺗﻘﺮﻳﺒﺎ ﺟﺎﻫﻢ ﺍﻟﺪﻛﺘﻮﺭ ﻃﺎﻟﻊ
.. ﻭﻭﺷﻮ ﺍﺳﻮﺩ ﻣﻦ ﺍﻟﺨﺒﺮ ﺍﻟﺸﺎﻳﻠﻮ
..
ﻭﻗﺎﻝ ﻟﻴﻬﻢ …
خلوكم قراب وإنتظرونا في الحلقة القادمة على مدونة سودانية 23 وصفحتنا الرسمية على الفيسبوك روايات سودانية.