روايات سودانية | رواية الهدير - طارق اللبيب الحلقة 1

رواية الهدير - الحلقة 1

- ﺟﻌﻔﺮ ﻭﺯﻭﺟﺘﻪ ﺭﻗﻴﺔ ﻭﻭﻟﺪﻩ ﺍﺑﻮﺑﻜﺮ .. ﻣﺴﺎﻓﺮﻳﻦ ..
- ﻣﺴﺎﻓﺮﻳﻦ ﻭﻳﻦ ؟
- ﻣﺴﺎﻓﺮﻳﻦ ﻣﺪﻧﻲ ..
ﻟﺸﻨﻮ؟
ﻛﺪﻱ ﺩﻗﻴﻘﺔ ﻧﺘﻌﺮﻑ ﻋﻠﻴﻬﻢ ﻭﺑﻌﺪﻳﻦ ﻧﻌﺮﻑ ﻣﺴﺎﻓﺮﻳﻦ ﻟﺸﻨﻮ ؟
ﺟﻌﻔﺮ ﻓﻲ ﻣﻨﺘﻀﻒ ﺍﻻﺭﺑﻌﻴﻨﺎﺕ .. ﺍﺳﻤﺮ ﺍﻟﻠﻮﻥ .. ﻣﺘﻮﺳﻂ ﺍﻟﻄﻮﻝ .. ﻛﺜﻴﺮ ﺍﻟﺤﺮﻛﺔ ..
ﺯﻭﻝ ﻛﻞ ﺍﻟﺤﻠﺔ ﻋﺎﺭﻓﻨﻮ ﺯﻭﻝ ﻭﺍﺟﺒﺎﺕ ﺑﺲ ﻣﺮﺍﺕ .. ﻋﻨﺪﻭ ﺍﻣﻮﺭ ﺑﻌﺮﻓﺎ ﺑﺮﺍﻫﻮ ﺑﺨﻠﻒ ﺍﻟﻤﻮﺍﻋﻴﺪ .. ﻛﺘﻴﺮ ﺑﺸﺮﺷﺮ
ﺍﻟﻨﺎﺱ .. ﻋﻨﺪﻭ ﻣﺰﺍﺝ ﺍﻧﻮ ﻳﺨﻠﻲ ﺷﻌﺮ ﺭﺍﺳﻮ ﺑﺪﻭﻥ ﺣﻼﻗﺔ ﻭﻳﻨﻔﺸﻮ ﺑﺎﻟﺨﻼﻝ ﻛﺪﺍ ﺍﻭ ﺍﻟﻤﺸﻂ .. ﻭﺑﺮﻱ ﺷﻨﺐ ﻛﺒﻴﺮ ..
ﻭﺷﺮﻳﻂ ﻣﺼﻄﻔﻰ ﺳﻴﺪﺍﺣﻤﺪ ﻣﺎﺑﻴﻄﻠﻊ ﻣﻦ ﺍﻟﻌﺮﺑﻴﺔ .. ﻭﻣﺮﺍﺕ ﺑﺼﺒﻐﻪ ﺑﺎﻻﺳﻮﺩ ﺷﻐﺎﻝ ﻓﻲ ﺷﺮﻛﺔ ﺣﻔﺮﻳﺎﺕ ..
ﻣﻬﻨﺪﺱ ﺟﻴﻮﻟﻮﺟﻲ . ﺳﺎﻛﻦ ﻓﻲ ﺣﻲ ﻃﺮﻓﻲ ﻓﻲ ﺟﻨﻮﺏ ﻣﺪﻳﻨﺔ ﺍﻟﺨﺮﻃﻮﻡ ..
ﺯﻭﺟﺘﻪ ﺭﻗﻴﺔ ﺍﻣﺮﺍﺓ ﻓﻲ ﺍﻟﺜﻼﺛﻴﻨﺎﺕ ﺻﻐﻴﺮﺓ ﺍﻟﺒﺸﻮﻓﻬﺎ ﻳﻘﻮﻝ ﺩﻱ ﻋﻤﺮﻫﺎ ﻋﺸﺮﻳﻦ ﺳﻨﻪ ﻋﻴﻮﻧﻬﺎ ﻭﺍﺳﻌﺔ ﺣﻮﺭﺍﺀ . ﻟﻮﻧﻬﺎ ﺯﻱ
ﻟﻮﻥ ﺍﻟﻘﻤﺢ .. ﻣﺮﺍﺕ ﺗﻘﻮﻝ .. ﻃﺮﻗﺔ ﻓﻄﻴﺮ ﺍﻟﺒﻲ ﺍﻟﻠﺒﻦ ..
ﻣﺮﺑﻮﻋﺔ ﻣﺤﺰﻭﻗﺔ ﻭﺳﻂ .. ﻓﻲ ﻭﺷﻬﺎ ﺍﻟﻔﺎﻝ ﻭﺍﻟﺴﻤﺢ .. ﻣﻮﺯﻭﻧﺔ ﺍﻟﻄﻮﻝ ﻭﺍﻟﻌﺮﺽ . ﺑﺘﺤﺐ ﻛﻼﻡ ﺍﻟﻔﺮﺣﺔ ﻓﻲ ﻭﻗﺖ
ﺍﻟﻨﻜﺪ .. ﻣﻬﺘﻤﺔ ﺑﺎﻟﺰﻳﻨﺔ ﻭﺍﻟﻨﻀﺎﻓﺔ ..
ﻭﻛﺎﻧﺖ ﻓﻲ ﺍﻟﻴﻮﻡ ﺩﻩ ﺑﺎﻟﺬﺍﺕ ﻻﺑﺴﺔ ﺗﻮﺏ ﺑﺮﺗﻘﺎﻟﻲ . ﻭﻧﺎﻗﺸﺔ ﺣﻨﺔ . ﺯﻱ ﺍﺯﺍﻫﻴﺮ ﺍﻟﺮﺑﻴﻊ ﻭﻗﺖ ﺍﻟﺼﺒﺎﺡ ..
ﻭﺍﻟﻌﺠﺐ ﺍﻟﻌﺠﻴﺐ ﻓﻲ ﺍﺧﻼﻗﻬﺎ ﻭﺍﺻﺎﻟﺘﻬﺎ .. ﻓﻲ ﺍﻳﺪﺍ ﻣﻦ ﻛﺮﻡ ﺍﻟﺮﺟﺎﻝ .. ﺩﺍﻓﻖ ﺳﻴﻮﻝ ﻣﻦ ﻏﻴﺮ ﺣﺴﺎﺏ .. ﺍﻟﺰﻭﻕ
ﻭﺍﻟﻤﺤﻨﻪ .. ﻛﺎﻥ ﺳﻤﻌﺖ ﺑﺰﻭﻝ ﻣﻦ ﺍﻟﺠﻴﺮﺍﻥ ﻋﻴﺎﻥ ﺑﺘﺒﻜﻲ .. ﻋﻨﺪﻫﺎ ﻗﻄﻌﺔ ﻓﻲ ﺍﻟﻜﻼﻡ .. ﻟﻤﻦ ﺗﺘﻜﻠﻢ ﺑﺘﻜﺮﺭ ﺍﻟﺤﺮﻑ
ﺍﻻﻭﻝ .. ﻳﻌﻨﻲ ﺗﻤﺘﻤﺔ ﺧﻔﻴﻔﺔ ﻛﺪﺍ .. ﻭﺑﺘﺘﻜﻠﻢ ﺑﻲ ﺳﺮﻋﺔ .. ﻳﻌﻨﻲ ﻟﻤﻦ ﺗﻜﻮﻥ ﻣﻨﺰﻋﺠﺔ ﻛﻼﻣﻬﺎ ﻣﺮﺍﺕ ﻣﺎﺑﻨﻔﻬﻢ .. ﺑﺘﺨﻠﻂ
ﺍﻟﺤﺮﻭﻑ ﺑﺴﺮﻋﺔ .. ﺑﺲ ﺗﺎﻧﻲ ﺍﻱ ﺷﻲ ﻋﻨﺪﻫﺎ ﺑﺎﻟﻤﻬﻠﺔ ..ﻻﺑﺴﺔ ﻏﻮﻳﺸﺎﺕ ﺗﻼﺗﺔ .. ﻛﻞ ﻣﺎﺗﺼﻠﺢ ﺗﻮﺑﻬﺎ ﻳﺼﺪﺭﻥ ﺍﺻﻮﺍﺕ
ﺍﻟﻤﻌﺎﺯﻑ ﻭﺍﻟﺠﻤﺎﻝ .. .
ﻭﺍﺑﻮﺑﻜﺮ ﻭﻟﺪﻫﻢ 12 ﺳﻨﺔ ..ﻭﺩ ﻣﺴﻠﻂ ﻋﻘﻠﻪ ﻋﻘﻞ ﺯﻭﻝ ﻋﻤﺮﻭ ﻋﺸﺮﻳﻦ ﺳﻨﺔ .. ﻭﺷﺎﻃﺮ ﻓﻲ ﺍﻟﻤﺪﺭﺳﺔ .. ﻭﻟﺌﻴﻢ ﻷﻣﺔ ..
ﺭﺩﻭ ﻓﻲ ﻃﺮﻑ ﻟﺴﺎﻧﻮ ﺯﻱ ﺣﺒﺎﻳﺒﻨﺎ ﺩﻳﻚ ..
ﺍﻫﺎ ﺍﻟﺠﻤﺎﻋﺔ ﺩﻳﻞ ﺭﻛﺒﻮ ﻋﺮﺑﻴﺘﻬﻢ ﺍﻟﺨﺎﺻﺔ ﻛﺮﻭﻧﺎ 89 ﻭﻣﺎﺷﻴﻦ ﻣﺪﻧﻲ ﻟﺰﻭﺍﺝ .. ﻭﺩ ﺧﺎﻟﺔ ﺟﻌﻔﺮ .
ﻣﺎﺷﻴﻦ ﺑﺴﺮﻋﺔ ﻋﺸﺎﻥ ﻳﺤﺼﻠﻮ ﺍﻟﻔﻄﻮﺭ ﻣﻊ ﻧﺎﺱ ﺍﻟﻌﺮﺱ .. ﻭﺟﻌﻔﺮ ﺩﻩ ﺍﻇﻨﻮ ﻣﺎﺷﻲ ﺑﻲ ﺳﺮﻋﺔ 120 ﻙ /ﺱ ..
ﺑﻌﺪ ﺍﻟﻌﺮﺑﻴﺔ ﻣﺸﺖ ﻧﺺ ﺳﺎﻋﺔ ﻛﺪﺍ ..
ﻭﺭﻗﻴﺔ ﻃﺒﻌﺎ " ﺭﺍﻛﺒﺔ ﻓﻲ ﺍﻟﻜﺮﺳﻲ ﺍﻟﻘﺪﺍﻡ ﻣﻊ ﺟﻌﻔﺮ ﻭﺑﻜﺮﻱ ﺭﺍﻛﺐ ﻭﺭﺍ ..
ﺭﻗﻴﺔ ﻋﺎﻳﻨﺖ ﻟﻲ ﺑﻜﺮﻱ ﺑﺎﻣﺮﺍﻳﺔ ﻟﻘﺘﻮ ﻧﺎﻡ ..
ﺑﺪﺕ ﺗﺘﻜﻠﻢ ﻣﻊ ﺟﻌﻔﺮ ﺑﺮﺍﺣﺔ ﻛﺪﺍ ﻗﺎﻟﺖ ﻟﻴﻬﻮ ..
: ﺍﻧﺖ ﻳﺎﺟﻌﻔﺮ ﺍﻟﺮﺳﺎﻳﻞ ﺍﻟﺒﺘﺠﻴﻚ ﻧﺺ ﺍﻟﻠﻴﻞ ﺩﻱ ﺷﻨﻮ؟
ﻗﺎﻟﻴﻬﺎ :ﻭﺍﻟﻠﻪ ﻣﺮﺍﺕ ﻧﺎﺱ ﻣﻦ ﺍﺻﺤﺎﺑﻲ ﻭﻣﺮﺍﺕ ﺭﺳﺎﻳﻞ ﻃﺎﺷﺔ ﺳﺎﻱ .
ﻗﺎﻟﺖ ﻟﻴﻬﻮ : ﻭﺍﻟﻠﻪ ﻃﺒﻌﺎ ﺍﻧﺎ ﻋﺎﺭﻓﺎﻙ ﺑﺘﻐﺶ ﻋﻠﻲ .
ﻻﻧﻲ ﻛﻢ ﻣﺮﺓ ﺻﺤﻴﺖ ﺑﺎﻟﻠﻴﻞ ﻟﻘﻴﺘﻚ ﺑﺘﺘﻮﺳﻮﺱ ﻓﻲ ﺍﻟﺘﻠﻔﻮﻥ
ﻭﻋﻤﻠﺖ ﻟﻴﻚ ﻓﻴﻬﺎ ﻧﺎﻳﻤﺔ ﺧﻮﻓﺎ ﻣﻦ ﻣﺸﺎﻛﻠﻚ ﻭﻫﻴﺠﺘﻚ .
ﺭﺩ ﻋﻠﻴﻬﺎ . ﻭﻫﺎﺝ ﻃﺒﻌﺎ ﻭﺭﻓﻊ ﺻﻮﺗﻮ .. ﻗﺎﻝ ﻟﻴﻬﺎ ﺍﻟﻤﻮﺿﻮﻉ ﺩﻩ ﺧﻠﻴﻬﻮ ﻫﺴﻲ ﻟﻤﻦ ﻧﺮﺟﻊ ﺍﻟﺒﻴﺖ
ﻣﺎﺗﺘﻜﻠﻤﻲ ﻗﺪﺍﻡ ﺍﻟﻮﻟﺪ .. ﻗﺎﻡ ﺍﺑﻮﺑﻜﺮﺻﺤﺎ ﻣﻦ ﺍﻟﻨﻮﻡ ﻭﻗﺎﻝ ﻟﻴﻬﻢ . ﺍﺗﻜﻠﻤﻮ ﻋﺎﺩﻱ ﺍﺳﺎﺳﺎ ﺍﻧﺎ
ﻋﺎﺭﻑ ﻣﺸﺎﻛﻠﻜﻢ ﻛﻠﻬﺎ ﻭﻧﻘﺎﺷﺎﺗﻜﻢ .. ﺍﻧﺎ ﺯﺍﺗﻲ ﺯﻫﺠﺖ ﻣﻨﻜﻢ .. ﻛﻞ ﻳﻮﻡ ﺗﺘﺸﺎﻛﻠﻮ
ﻭﺍﻧﺖ ﻳﺎ ﺍﺑﻮﻱ ﺍﻣﻲ ﺩﻱ ﺩﺍﻳﻤﺎ ﺑﺘﺸﻮﻓﻚ ﻏﻠﻄﺎﻥ ﻭﺑﺘﺴﻜﺖ ..
ﻭﺑﺘﺨﺶ ﺍﻟﻤﻄﺒﺦ ﺗﺒﻜﻲ ﺷﺪﻳﺪ ﻭﺍﻧﺎ ﺑﺸﻮﻓﺎ .
ﻭﻳﻮﻡ ﺍﻟﻘﻠﺖ ﻟﻴﻬﺎ ﺍﻧﺖ ﻣﺮﺓ ﻓﻄﻴﺴﺔ .. ﺑﻜﺖ ﺷﺪﻳﺪ .ﻭﺍﻧﺖ ﺟﻴﺖ ﻗﻠﺖ ﻟﻴﻬﺎ ﺑﺘﺒﻜﻲ ﻟﻴﻪ؟؟
ﻗﺎﻟﺖ ﻟﻴﻚ ﺍﻧﺎ ﻣﺎﺑﺒﻜﻲ ﻛﻨﺖ ﺑﻘﻄﻊ ﺍﻟﺒﺼﻞ .. ﻣﺎﻛﺎﻧﺖ ﺑﺘﻘﻄﻊ ﺍﻟﺒﺼﻞ .. ﻛﺎﻧﺖ ﺑﺘﺒﻜﻲ ..
ﻣﻦ ﻛﻼﻣﻚ ..
ﺟﻌﻔﺮ ﻗﺎﻟﻴﻬﻮ .. ﻳﺎﻭﻟﺪ ﺻﻢ ﺧﺸﻤﻚ ﺩﻩ ﻣﺎﺗﺘﺪﺧﻞ
ﻓﻲ ﺍﻣﻮﺭ ﺍﻟﻨﺎﺱ ﺍﻟﻜﺒﺎﺭ .. ﻗﺎﻟﻴﻬﻮ ﺳﻜﺘﺎ ﻳﺎ ﺍﺑﻮﻱ ﺍﺻﻠﻚ ﻣﺎﺑﺘﻘﺒﻞ ﺍﻟﺤﻘﻴﻘﺔ ..
ﺳﻜﺘﻮ ..
ﻭﺍﻟﺤﻘﻴﻘﺔ .. ﺍﻟﻤﺮﺓ ﻫﻲ ﺍﻥ ﺟﻌﻔﺮ ﻣﻊ ﺍﻥ ﺯﻭﺟﺘﻪ ﺍﻟﺠﻤﻴﻠﺔ ﺟﺪﺍ ﻣﻦ ﺍﻣﻴﺰ ﺍﻟﻨﺴﺎﺀ
ﺍﻻ ﺍﻧﻪ ﻳﻘﻴﻢ ﻋﻼﻗﺔ ﻋﻘﻴﻤﺔ ﻣﻊ ﺍﻧﺴﺎﻧﺔ ﻗﻤﺔ ﻓﻲ ﺍﻟﻘﺒﺎﺣﺔ
ﺍﻟﺸﻜﻠﻴﺔ ﻭﺍﻟﺠﻮﻫﺮﻳﺔ ..
ﺍﺳﻤﻬﺎ ﻋﺰﻳﺰﺓ ﻛﺎﻧﺖ ﺑﺘﻌﻤﻞ ﺍﻟﺸﺎﻱ ﻗﺪﺍﻡ ﻣﻘﺮ ﺍﻟﺸﺮﻛﺔ ﺑﺘﺎﻋﺘﻬﻢ .. ﻭﻋﻤﻞ ﻣﻌﺎﻫﺎ ﻋﻼﻗﺔ ﻣﺘﻄﻮﺭﺓ .. ﻭﺡ ﻧﺘﻌﺮﻑ ﻋﻠﻲ
ﻋﺰﻳﺰﺓ ﻟﻘﺪﺍﻡ ﺷﻮﻳﺔ .. ﻭﻳﺘﻜﻠﻢ ﻣﻌﻬﺎ ﺑﺎﻟﻠﻴﻞ ﻭﺍﻟﻨﻬﺎﺭ ﻭﻳﻌﺒﺮ ﻟﻬﺎ ﻋﻦ
ﺣﺒﻪ ﺍﻣﺎ ﺯﻭﺟﺘﻪ ﺍﻟﻤﺴﻜﻴﻨﺔ ﻣﺎﻋﻨﺪﻭ ﻟﻴﻬﺎ ﻏﻴﺮ ﺍﻟﺮﺳﻤﻴﺎﺕ ﻭﺍﻟﺘﻮﺟﻴﻬﺎﺕ ﺍﻟﺠﺎﺩﺓ .. ـــ
ﺧﻴﻢ ﺍﻟﺼﻤﺖ ﺍﻟﺮﻫﻴﺐ ﺟﻮﻩ ﺍﻟﻌﺮﺑﻴﺔ ﺑﺲ ﺗﺴﻤﻊ ﺷﺸﻮ ﺷﻮﻭ .. ﺍﻟﻌﺮﺑﺎﺕ ﺩﻱ ﻃﺎﻳﺮﺓ ﺑﺴﺮﻋﺔ
ﺍﻟﺒﺮﻕ ﻭﺍﻟﺨﻴﺎﻝ .. ﻭﻓﻲ ﺍﺛﻨﺎﺀ ﻫﺬﺍ ﺍﻟﺼﻤﺖ ﺭﻥ ﺍﻟﺘﻠﻔﻮﻥ ﺑﺘﺎﻉ ﺟﻌﻔﺮ .
ﺷﺎﻝ ﺍﻟﺘﻠﻔﻮﻥ ﻭﻋﺎﻳﻦ ﻟﻴﻬﻮ ﻛﺪﺍ ﻭﻛﺎﻧﺖ ﺍﻟﻤﺘﺼﻠﻪ ﻫﻲ ﺗﻠﻚ ﺍﻹﻧﺴﺎﻧﺔ ﺍﻟﻤﺘﻄﻔﻠﺔ ..
ﺍﺭﺗﺒﻚ ﻭﻣﺎﻋﺮﻑ ﻳﺘﺼﺮﻑ ﻛﻴﻒ .. ﻭﺑﻘﻰ ﻳﻌﺎﻳﻦ ﻟﻠﺘﻠﻔﻮﻥ ﻭﻳﻌﺎﻳﻦ ﻟﻲ ﺭﻗﻴﺔ
ﻓﻲ ﺍﻟﻮﻛﺖ ﺩﻩ ﺑﺎﻟﺬﺍﺕ ﺟﺎ ﺑﺺ ﻣﻦ ﺍﻟﺒﺼﺎﺕ ﺍﻟﺴﻔﺮﻳﺔ ﻣﺎﺷﻲ ﺑﺴﺮﻋﺔ ﺧﻴﺎﻟﻴﺔ ﻻﻣﻦ ﺑﺘﻤﺎﻳﻞ ..
ﻭﺍﺗﺨﻄﻰ ﺍﻟﻌﺮﺑﻴﺔ ﺍﻟﻘﺪﺍﻣﻮ .. ﻭﺟﺎ ﺧﺎﺷﻲ ﻋﻠﻰ ﻋﺮﺑﻴﺔ ﺟﻌﻔﺮ .. ﺟﻌﻔﺮ ﺍﻧﺘﺒﻪ ﻓﻲ ﺍﺧﺮ ﺛﺎﻧﻴﺔ .. ﻭﻛﺎﻥ ﺍﻟﻮﻗﺖ ﺍﻧﺘﻬﻰ .. ﻻﻧﻮ
ﻛﺎﻥ ﻣﺸﻐﻮﻝ ﺑﻲ ﺍﺗﺼﺎﻝ ﺍﻟﺰﻭﻟﺔ ﺍﻟﺨﺎﻳﻨﺔ .. ﺍﻟﻌﺎﻣﻞ ﻣﻌﺎﻫﺎ ﺍﻟﻌﻼﻗﺔ . ﺍﻟﺒﺺ ﺧﺒﻂ ﻋﺮﺑﻴﺔ ﺟﻌﻔﺮ ﺑﻲ ﺟﻨﺒﺘﻬﺎ ﻛﺪﺍ ﻭﺍﻟﻌﺮﺑﻴﺔ
ﻃﻮﺣﺖ .. ﻭﻃﺎﺭﺕ ﻣﻦ ﺍﻟﺰﻟﻂ
ﻭﺍﻟﺰﻟﻂ ﻛﺎﻥ ﻋﺎﻟﻲ ﻭﻣﺴﺎﺭ ﻭﺍﺣﺪ ﻃﺒﻌﺎ ..
ﺍﺳﻤﻮ ﺷﺎﺭﻉ ﺍﻟﻤﻮﺕ ﻟﻜﺜﺮﺓ ﻣﺎ ﺣﺼﺪ ﻣﻦ ﺍﻻﺭﻭﺍﺡ ..
ﻭﺍﻧﻘﻠﺒﺖ ﺍﻟﻌﺮﺑﻴﺔ ﺗﻼﺕ ﻗﻠﺒﺎﺕ .. ﻭﺑﻘﺖ ﻣﻨﻜﻔﻴﺔ ﻋﻠﻰ ﺿﻬﺮﻫﺎ ﻭﺍﻟﻠﺴﺎﺗﻚ ﺩﻱ ﻻﻓﺔ ﻓﻲ ﺍﻟﻬﻮﺍ ﺯﻱ ﺗﺮﻭﺱ ﺍﻟﻄﺎﺣﻮﻧﺔ ..
ﻭﻣﺎﻓﻲ ﺣﺮﻛﺔ ﺩﺍﺧﻞ ﺍﻟﻌﺮﺑﻴﺔ ﻭﻻﺻﻮﺕ ﻛﻮﺍﺭﻳﻚ ﻭﻻ ﺻﺮﺍﺥ ﻭﻻﺷﻲ .. ﺍﻟﺤﺎﺩﺙ ﻭﻗﻊ ﻓﻲ ﻧﺺ ﺍﻟﻤﺴﺎﻓﺔ ﺑﻴﻦ ﺍﻟﻜﺎﻣﻠﻴﻦ
ﻭﺍﻟﻤﺴﻴﺪ ..
ﻻ ﺣﻮﻟﺔ ﻭﻻﻗﻮﺓ ﺍﻻ ﺑﺎﻟﻠﻪ .. ﻭﺑﻬﺬﻩ ﺍﻟﺤﺎﺩﺛﺔ ﺍﻟﻤﺆﺳﻔﺔ ﺗﺒﺪﺃ ﻗﺼﺔ ﺍﻟﻬﺪﻳﺮ ..