مدونة سودانية ٢٣ مدونة سودانية ٢٣
recent

آخر الأخبار

recent
جاري التحميل ...

قصص ملهمه - أريج كمال


قصص سودانيين ملهمين بالتعاون مع صفحة 
قصص ملهمه Inspiring Stories
KHARTOUM - SUDAN
الاسم: أريج كمال 
مكان الميلاد: الدوحه -قطر
العمر : ٢٠ سنه
المرحلة الدراسية : خريجه شهر ٦ باْذن الله من جامعة قطر
التخصص : سايكولوجي
قصتي بدت مع دخولي للجامعه كان حلمي انو أتخصص ترجمه انجليزي ربنا ما سهل لي ما اتقبلت ف فكرت ولقيت انو علم النفس دراسه حلوه وممتعه ومجال واسع وداخل في كل حاجه واتوكلت ع الله ودخلت بس كلام الناس والمجتمع ما بريح انتي حتبقي مجنونه 😖 حتشتغلي وين 😖هسي دي قرايه شنو 😖 مالقيتي غيرها  وكلام كتير غير دا محبط بطريقه ما طبيعية بس انا اصريت على رائي وكملت ...
لحدي هسي في ناس ما فاهمه يعني شنو علم نفس قايلين انو بس زول يرقد في الكنبه ويتكلم والسيكولوجي يسمع ولا انو بس السيكولوجي بحللل الشخصيات  علم النفس اكبر من كدا بكتير .
بالجد لقيت ف المجال دا روحي وميولي وطلعت فيو كل طاقاتي وابداعاتي ... ومازلت مستمره عملت أبحاث علميه كتييييره شاركت في مؤتمرات كتيييره اتكرمت اكتر من مره ..
دا جانب القرايه .
نجي للجانب بتاع الشغل في جامعتنا في فرصه اسمها التوظيف الطلابي انو الطالب يشتغل ويقرأ في نفس الوقت وليو شروط المعدل يكون عالي وتكون خلصت عدد ساعات معينه ف الجامعه وغيرو ... اخترت اشتغل في قسم ذوي الاحتياجات الخاصه وطوالي بدا كلام الناس انو الشغل صعب ومتعب وكدي اتخرجي اول شي وكلام غيرو كتير  ما اشتغلت باي زول وكملت مشواري وهسي حاليا انا موظفه ف الجامعه قبل أتخرج ومتدربه في الشفلح لدمج ذوي الاحتياجات الخاصه واغلب ابحاثي بتدور حولهم حتى بحث التخرج عنهم بجانب دا قدمت ورش كتيره منها
ورشه الاعاقه الحقيقيه
ورشه أسرار النجاح
ورشه عن اضطراب التوحد
ورشه عن متلازمه داون
اخترت مجالين اتكلم عنهم قرايتي وشغلي في غيرهم كتير بس باختصار ...
انا زوله بحب مجالي شديد وبحب شغلي فوق ما تتصورو وحاتخرج وحاعمل الماجستير عن ذوي الاحتياجات الخاصه وحاحقق كل حاجه انا ختيتا في راسي لانو اي زول عندو هدف وعزيمه ماف حاجه بتوقفو
وبؤمن بالعباره دي
Limits are what we accept :Accept no limit
Dr:Maher khalifa

أسرة مدونـة سودانيــه 23 تهـدف نحـو:
هه😊
إستقطاب كل العقول المستنيره المليئه بالأفكار الهادفه والبناءه للذات أصحاب الالهام الروحي الذي يغذي فينا الأمل والطموح ويحفزنا للنجاح نسعى جاهدين لإخراجهم من دامس الظلمات للنور لكي يرى العـــالم هذه المواهب المدفونــه ويعلـــم بأن الســـودان لايزال ملئ بأناس مبدعون ليس فقط في الفـــن والغنـــاء كما يظن البعض ولكن أيضا بكل ذخائر ومتطلبات فلسفه الحياة المتنوعه .. 
لذلك رؤيتنــا مفادها أنه يجب علينا أن ندعمهم بمشاركتنا لهم بالقليل ألا وهو أننا وبكل إعتزاز نكرس جهودنا حول توصيل أفكارهم وإنجازاتهم بكل ماتحمله من مشقه وإراده عظيمه صامده للعالم لكي يعرف العالم حقيقتهم
ولكم منا كل الحب والإحترام والتقدير

لقراءة المزيد من قصص السودانيين الملهمين
إضغط علي كلمة هنا للإنتقــال

عن الكاتب

Sudania 23

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

عداد الزوار المتواجدون الأن

عن مدونة سودانية ٢٣

مدونة سودانية ٢٣ عبارة عن مدونة إخبارية ثقافيه بمحتوى عربي تهتم بالأخبار المحلية والعالمية وأسعار صرف العملات في السودان والتقنية والمعلومات والقصص والعبر والبث المباشر للقنوات السودانية وقصص السودانيين الملهمين والكثير..

مرحباً بك أنت الزائر رقم

جميع الحقوق محفوظة

مدونة سودانية ٢٣