مدونة سودانية ٢٣ مدونة سودانية ٢٣

آخر الأخبار

جاري التحميل ...

قصص ملهمه - هاجر عيسى عبد الله محمد


قصص سودانيين ملهمين بالتعاون مع صفحة 
قصص ملهمه Inspiring Stories
KHARTOUM - SUDAN
السلام عليكم ورحمة الله تعالى وبركاته ..
الاسم : هاجر عيسى عبد الله محمد. أو (Destiny, Miss Sudangish)
العمر : 23 سنه . خريجة لغات وترجمه كلية السلام الجامعيه للغات والترجمه ..
انسانه مجنونه, وبسيطه جداً بحب الحياه زي ما تجي : تجي ما عندي معاها اي مشكله ..
والحمد لله على كل حال ..
خارج نطاق الجنون . بحب اللغات عااامة واللغه الانجليزيه بالأخص, طول عمري وانا كنت بحاول اتقنها والحمد لله للان ماشي الحال (كانت متابعتي كلها للافلام والاغاني فقط + التركيز علي الترجمه واكيد الاستعانه ببعض الاساتذه)..
يوم من الايام وانا بفكر اني زي ما مريت بالحكايه دي اكيد في اخواني واخواتي كان بعانو من نفس المشكله الانا مريت بيها ون هنا جاتني فكره ياخ ليه ما اعمل حاجه اساعد بيها ..
ومن هنا بدأ #مشروعي #التطوعي English Language Development in Sudan Project (ELDSP الخاص بتطوير #اللغه #الانجليزيه وبمساعدة اتنين من اساتذة جامعتي او بالاصح (أخواني) عمار ومهدي والاخ عوض بشكرهم كلهم, قدرنا نعمل الورشه الكانت كبدايه للمشروع ..
فكرة الورشه بدت كيف او من وين؟
الفكره جات من انو ياخ ليه انا ما اساعد الناس العندها رغبه بس ما قادره توصل لكسر الحواجز, في كمية من الناس بتكون عاوزه تتعلم بس بسبب اللرسوم البتفرضها المعاهد وغيرو, في ناس كتيره ما قادره توصل. الفكره جات من المبدأ السبق ذكره.
* والورشه بدت بالاعلان عنها بصوره عاديه جدا ل اي زول حابي يكون جزء من الورشه, وبعدها كان في امتحان تحديد مستويات عشان نقدر نركز معاهم بصوره دقيقه اكتر ونوزعهم لمجموعات..

أهداف الورشه : انو الناس تقدر تتحاور مع بعض مع كسر حاجز الخوف الدايماً هو في حد ذاتو اكتر حاجز واقف قدامنا في كثير ن الاشياء الفي حياتنا, تاني هدف كان انو الطلاب الشاركو معانا في الورشه لازم يتكلمو بالانجليزي ختى لو كان شي خطأ, لانو دي الطريقه الوحيده الممكن الانسان يتعلم بيها (من الاخطاء البنرتكبها عشان نتصلح والحكايه ما فيها شي اسمو عيب) ..

الاساليب المتبعه في الورشه:
اسهل طرق لكسب الذخيره اللغويه عن طريق الالعاب والاغاني والممارسه المستمره باللغه الانجليزيه

*الحمد لله بنهاية الورشه قدرنا نحقق الاهداف السبق ذكرها وكميه من الاهداف الاخرى والكل كان مبسوط من النتيجه ..
*الكلام ه كان قبل سنه بالضبط ..
يلا كلكم حتكونو فكرتو انو المشروع كده خلص!
لا أبداً .. *المشروع هدفو #الاستمراريه* ثم #الاستمراريه ..
كيف؟
يلااقول ليكم كيف..
متابعه المشروع ب انو قبل عدة اسابيع كانت في محاضره مجانيه تماماً ل اي طالب او طالبه عندهم سؤال عن تطوير اللغه ذاتياً وخلال المحاضره قدرت اوضح كمية من الطرق المن ضمنها كان متابعة الافلام الاجنبيه مع الترجمه + الاغاني + الممارسه ..
والمحاضره كانت فكرتها تنشيط للورشه الحصلت قبل سنه ولسه ان شاء الله حاواصل والمره الجايه حتكون ورشه لاكبر عدد عاوز يشارك .. الف مرحب بيكم كلكم!
تاني #مشروع _ Hager and Gordon Community Class
عباره عن مشروع نادي انجليزي لممارسة اللغه مع متحدث باللغه الانجليزيه _ اللهجه البريطانيه ..
والحياه أخذ وعطاء ..
اتذكرو طالما في العزيمه : كل شي ساهل

أسرة مدونـة سودانيــه 23 تهـدف نحـو:
هه😊
إستقطاب كل العقول المستنيره المليئه بالأفكار الهادفه والبناءه للذات أصحاب الالهام الروحي الذي يغذي فينا الأمل والطموح ويحفزنا للنجاح نسعى جاهدين لإخراجهم من دامس الظلمات للنور لكي يرى العـــالم هذه المواهب المدفونــه ويعلـــم بأن الســـودان لايزال ملئ بأناس مبدعون ليس فقط في الفـــن والغنـــاء كما يظن البعض ولكن أيضا بكل ذخائر ومتطلبات فلسفه الحياة المتنوعه .. 
لذلك رؤيتنــا مفادها أنه يجب علينا أن ندعمهم بمشاركتنا لهم بالقليل ألا وهو أننا وبكل إعتزاز نكرس جهودنا حول توصيل أفكارهم وإنجازاتهم بكل ماتحمله من مشقه وإراده عظيمه صامده للعالم لكي يعرف العالم حقيقتهم
ولكم منا كل الحب والإحترام والتقدير

لقراءة المزيد من قصص السودانيين الملهمين
إضغط علي كلمة هنا للإنتقــال

عن الكاتب

Sudania 23

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

تبرع لدفع تكاليف الموقع عبر الباي بال

تبرع لدفع تكاليف الموقع عبر بنك الخرطوم

مرحباً بك أنت الزائر رقم

جميع الحقوق محفوظة

مدونة سودانية ٢٣