مدونة سودانية ٢٣ مدونة سودانية ٢٣

آخر الأخبار

جاري التحميل ...

قصص ملهمه - أمير صالح ( معروف بي فلاي بوي )


قصص سودانيين ملهمين بالتعاون مع صفحة 
قصص ملهمه Inspiring Stories
KHARTOUM - SUDAN
الاسم: أمير صالح ( معروف بي فلاي بوي )
العمر ٨ سنوات من الانجاز - العمر الحقيقي ٢٥ سنة
قصتي في الدنيا دي كلها بسميها باسم ( اثبات وجود ) انا هنا ...
انا واحد من ٧ مليار شخص في العالم ده
بس ...
انا الطالب الفاشل في الدراسة حتى الان بقرا جامعة وما اتخرجت عشان بحب الرسم
انا الزول بحب اتعرف على ناس غربا واجانب وما بعرف انجليزي ( ماف زول عارف المعلومة دي ههههه )
.
كنت بتفرج أفلام الاكشن والعصابات اكتر حاجة فشدتني رسومات الشارع من الوقت داك اتعرفت على فن الجرافيتي والرسم على الحيط
بقيت اتعلم براي من اليوتيوب واكتسبت خبرات من ناس كانو بيرسمو جرافيتي قبل كده واتطورت مع الزمن واتعملت طرق جديدة وكنت زعلان لانو مافي الادوات الخاصة بالجرافيتي .. بس الحاجة دي ما خليتني اوقف وبقيت شغال بالبوهية والفرش لين اتقنتها وبقيت ارسم في الجامعات واسابيع المهندس وبقيت معروف بين اصحابي وبقو يقولو لي مشهور ههههههه انا ما مشهور بس اصحابي كتار 😊
وهسي بعرف رسامين العالم العربي وعندي معاهم علاقة ورسمت معاهم
في سنة ٢٠١٦ تم تكوين قروب @249writers كأول قروب رسامين جرافيتي في السودان
سميناهو بمفتاح السودان ٢٤٩ (رايترز) مصطلح لرسامين الجرافيتي
وعندنا مشاريع كتير بهشتاقات معينة
مشروع _بصمة المشروع الخاص بالولايات بنزور الولايات وبنرسم فيها
مشروع_جامعة خاص بالجامعات والرسومات الي فيها
مشروع_كلمة المشروع عبارة عن جملة او كلمة بيتدل على حاجة معينة توعيوية او هادفة في الحيط بالخط العربي
مشروع_ابتسامة خاص بالحيط الكئيبة وبتكون ظاهرة في الشارع العام .. ونخليها فرائحية اكتر
وفي مشاريع كتيرة ما اتكتبت تابعوها في القروب.
وأعرفوا انو نحن حنلون البلد دي ونديها لون
ما بقول انتهيت من الكلام ده مجرد لون بس
بس اديكم الخلاصة ..
خت هدف في راسك وحاول تحققو
مهما كان في ١٠٠٠ عارض استمر واجري وراهو
لكن بحب ❤
(حب + لون = سلام )
انا بقيت نحن ونحن ٢٤٩ رايترز
سلام بلون الحب
تاق لناس القرافيتي والفنانين

أسرة مدونـة سودانيــه 23 تهـدف نحـو:
هه😊
إستقطاب كل العقول المستنيره المليئه بالأفكار الهادفه والبناءه للذات أصحاب الالهام الروحي الذي يغذي فينا الأمل والطموح ويحفزنا للنجاح نسعى جاهدين لإخراجهم من دامس الظلمات للنور لكي يرى العـــالم هذه المواهب المدفونــه ويعلـــم بأن الســـودان لايزال ملئ بأناس مبدعون ليس فقط في الفـــن والغنـــاء كما يظن البعض ولكن أيضا بكل ذخائر ومتطلبات فلسفه الحياة المتنوعه .. 
لذلك رؤيتنــا مفادها أنه يجب علينا أن ندعمهم بمشاركتنا لهم بالقليل ألا وهو أننا وبكل إعتزاز نكرس جهودنا حول توصيل أفكارهم وإنجازاتهم بكل ماتحمله من مشقه وإراده عظيمه صامده للعالم لكي يعرف العالم حقيقتهم
ولكم منا كل الحب والإحترام والتقدير

لقراءة المزيد من قصص السودانيين الملهمين
إضغط علي كلمة هنا للإنتقــال

عن الكاتب

Sudania 23

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

تبرع لدفع تكاليف الموقع عبر الباي بال

تبرع لدفع تكاليف الموقع عبر بنك الخرطوم

مرحباً بك أنت الزائر رقم

جميع الحقوق محفوظة

مدونة سودانية ٢٣