مدونة سودانية ٢٣ مدونة سودانية ٢٣
recent

آخر الأخبار

recent
جاري التحميل ...

قصص ملهمه - عبدالله كمال علي طه


قصص سودانيين ملهمين بالتعاون مع صفحة 
قصص ملهمه Inspiring Stories
KHARTOUM - SUDAN
عبدالله_كمال_علي_طه الملقب بي #عبدو كما يحلو ليكم 
‎اولى مرحلة : فقدت السمع وانا صغير في عمر سنة ونص عندما كان في الإمارات
‎ثاني مرحلة : كنت محظوظ لقدرة كلامياً وعدم تعامل مع اللغة الإشارة إذن بديت لغة الشفايف واتعلم فيها حتى سن ٨ فهمت وقادر أتكلم لغة الشفايف علموني اللغة العربية الفصحى وقليل من E تجاوزت والحمدلله
‎المرحلة الثالثة : واحد من اكبر تحدي حياتي هو دخول المدرسة فقلت لنفسي يا أمي لي اخواني واخواتي يمشون المدرسة فأما انا لا ليه يا امي
‎امي كانت خايفة تتركني وحيد في المدرسة ومتوقع انا افشل
‎فذهبنا للدكتور العلمني لغة الشفايف عشان هل أستطيع دخول المدرسة اما لا
‎فقال الدكتور : نسبة ضئيلة انجح في المدرسة مع نسبة نجاح بالنسبة للناس المعاقين السمع في السودان بالنسبة ١٪‏ فقط فدعاها امي انو انا اجرب المدرسة بس نص الفترة فبعد التجربة نص الفترة حصل نجاح غير متوقع لي انا ونجحت في اول نص الفترة نجاح هائل
المرحلة الرابعة : واجهت صعوبة في مادتين اللغة العربية والإنجليزية لكن تخطيت الثنائي وعبرت مرحلة الأساس بالنجاح والحمدلله
المرحلة الخامسة : مرحلة الثانوية كالعادة نفس المرحلة الأساس واجهت صعوبة في الفيزياء والكيمياء فأخترت دخولي ادبي لأَنِّي كنت بعجب المادة العلوم التجارية  ونجحت وعبرت الثانوية والحمدلله
المرحلة السادسة
حياتي كلها كانت اهانة وذل فمجرد أكون لابس السماعة في آذاني اليمين والشمال الناس ما بناديني الاسم الحقيقي عبدو كانوا بقول لي أب سماعة او الأطرش او الاذان قطع وكنت ببكي والله ومشيت لامي قلت ليها لي الناس بنبزني يا خي ما قادر والله اطلع من البيت تاني انتو الوحيدين في البيت بتحترموني
امي بكت وعرف إحساسي فقالت لي يا عبدو ربنا سبحان الله وتعالى بختبر فيني اختبر في حياتي زي الامتحان وانا لازم أتحمل الصبر وبالنسبة للناس البنزو لي ما تشتغل بيهو من الاذان اليمين للأذان الشمال طوالي وخليك مبتسم بس ما تشتغل قلت ليها نجرب التحدي ونقهر الناس جربتو وكأنو ما اشتغلت بيهو الناس والحمدلله
المرحلة السابعة
الجامعة اجمل مراحل التعليمية في حياتي ما إتخيلت الاحترام والحب الهائل لي انا بفضل الدعم الناس والاحترام وساعدوني لحدي ما اتخرج الذي طال حلمي التخرج وأسكتت افواه الناس انو ما انجح الجامعة بالفعل نجحت وتخرجت وقفلت خشمهم الناس كلهم واحترموني والحمدلله
والمرحلة الاخيرة
الشغل كنت بفتش الشغل براي تقريباً لسنة في نهاية لقيتو كمحاسب في مجموعة بولو فرينزي التجارية
والحمدلله بعد معاناتي والتحديات ها انا شغال ولسه طموحاتي العالية ما وصل
أهم شي في حياتي تعلمت قوة الصبر وعدم الإستسلام مطلقاً مهما كانت الثمن 

أسرة مدونـة سودانيــه 23 تهـدف نحـو:
هه😊
إستقطاب كل العقول المستنيره المليئه بالأفكار الهادفه والبناءه للذات أصحاب الالهام الروحي الذي يغذي فينا الأمل والطموح ويحفزنا للنجاح نسعى جاهدين لإخراجهم من دامس الظلمات للنور لكي يرى العـــالم هذه المواهب المدفونــه ويعلـــم بأن الســـودان لايزال ملئ بأناس مبدعون ليس فقط في الفـــن والغنـــاء كما يظن البعض ولكن أيضا بكل ذخائر ومتطلبات فلسفه الحياة المتنوعه .. 
لذلك رؤيتنــا مفادها أنه يجب علينا أن ندعمهم بمشاركتنا لهم بالقليل ألا وهو أننا وبكل إعتزاز نكرس جهودنا حول توصيل أفكارهم وإنجازاتهم بكل ماتحمله من مشقه وإراده عظيمه صامده للعالم لكي يعرف العالم حقيقتهم
ولكم منا كل الحب والإحترام والتقدير

لقراءة المزيد من قصص السودانيين الملهمين
إضغط علي كلمة هنا للإنتقــال

عن الكاتب

Sudania 23

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

عداد الزوار المتواجدون الأن

عن مدونة سودانية ٢٣

مدونة سودانية ٢٣ عبارة عن مدونة إخبارية ثقافيه بمحتوى عربي تهتم بالأخبار المحلية والعالمية وأسعار صرف العملات في السودان والتقنية والمعلومات والقصص والعبر والبث المباشر للقنوات السودانية وقصص السودانيين الملهمين والكثير..

مرحباً بك أنت الزائر رقم

جميع الحقوق محفوظة

مدونة سودانية ٢٣